Abalamuzi 2:14 - Baibuli Ekibono kya Katonda 2014

¹⁴ Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 2:14 ပူးပေါင်းရင်းမြစ်များ

2 Samueli 24:1

Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

2 Samueli 7:11

nga bwe baakolanga eira mu biseera bye nateeragho abalamuzi abaakulemberanga abantu bange Abaisiraeli. Ndidha kukuwonianga okulumbibwa abazigu bo boonaboona. N'ekindi, nze Musengwa Katonda nkukoba nti ndikwaliza abaana n'abaidhukulu.

2 Bakyabazinga 13:3

Obusungu bwa Musengwa Katonda bwatumbukira ku Isiraeli ng'oti muliro, yaaleetera Hazaeli kyabazinga wa Siria ni mutabane we Benihadadi okubaghangulanga emikuzi egighera.

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Ebyomubyanda 15:5

Mu biseera ebyo tighaaligho miraala. Ng'omuntu tasobola kutambula n'aja era n'aira nga ghazira kimutuuseeku, kuba ghaaligho obutabanguko kamaala obweraliikirizanga abatyamye boonaboona ab'omu nsi.

2 Ebyomubyanda 28:5

Olw'ebibi ebyo Ahazi bye yakola, Musengwa Katonda we kyeyava n'amughaayo ye kyabazinga w'e Siria, yaamughangula, era yaatwala abantu be kamaala inho e Damasiko, nga basibe. Kabiri Musengwa Katonda oyo yaamughaayo ye kyabazinga Peka owa Isiraeli, yaamughangula ng'aise n'abantu be kamaala inho.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Nehemia 9:27

Kye wava n'obaghaayo mu ngalo edh'abazigu baibwe, abaabadaazadaaza. Nga bali mu kudaagadaaga batyo, baakulirira, waabawulira ng'oli mu igulu. Era olw'okusaasira kwo okungi einho, waabagheerezanga abanunuzi abaabanunulanga okuva mu ngalo dh'abazigu baibwe.

Zabbuli 44:11

Watuleka baatwita ng'oti ntaama, watusansaaniza mu maghanga agandi.

Zabbuli 44:12

Abantu bo waabatundamu akaghendo akazira ghe kaaga, waaloba kufunamu magoba naire.

Isaia 42:24

Naani eyaghaayo Abaisiraeli okunhagibwa? Naani eyalekulira baidhukulu ba Yakobo abo mu ngalo dh'abanhazi? Ti ni Musengwa Katonda mwene, ye twasungughaza nga tukola ebibi, ni tuloba okukola by'ayenda, era ni tudheemera amateeka ge?

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Yeremia 37:10

Ni bwemughangula eigye lyonalyona ery'Abababilonia ni ghasigalagho bw'abo be bafumiite ebibwa bonka, nga balambaire mu weema dhaibwe, era abo balisituka baayokya ekibuga kino omuliro.’ ”

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Abalevi 26:37

Banaaniinaganangaku beene na beene, nga ghazira ali kubabingirira, era tibaabengaku na muzigu ye basobola kulwanisa.

Okubala 32:13

Agho obusungu bwa Musengwa Katonda bwatumbukira ku Baisiraeli ng'oti muliro, yaabaleetera okutambulatambula eyo batyo mu irungu okumala emyaka amakumi ana, okutuusa oluse olwo olwakola ebibi ye Musengwa Katonda bwe lwafa ni luwaagho.

Okubala 32:14

Mperaano bona, niimwe mwize mu kifo kya badhaadha baimwe abo, mube oluse olw'abakozi ab'ebibi, era mwongere okuleetera Musengwa Katonda okusungughalira Abaisiraeli ekibitiriire.

Amateeka Agokubiri 28:20

“Bwe munaakolanga ebibi ni muva ku Musengwa Katonda, Musengwa Katonda oyo aidha kubasindikiranga ebikolimo, okusoberwa era n'okutabulwa, mu byonabyona bye munaakolanga, okutuusa lwe mulizikirizibwa ni muwaagho amangu geene.

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 28:58

“Bwe mutaagemenga biri mu mateeka gano goonagoona agaaghandiikibwa mu kitabo kino ni mu bituukiriza, era bwe mutaatyenga liina lya Musengwa Katonda waimwe ery'ekitiisa erireetera abantu okumutya,

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Yoshua 23:16

Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”

Abalamuzi 1:19

Era Musengwa Katonda yaababeera, baatwala ekiketezo eky'ensozi. Aye baaloba kughanga kubingamu batyamye ba mu kiketezo kya ku museetwe, kuba abatyamye abo baali n'ebigaali eby'omu lutalo nga byakolebwa mu kyuma ekigumu einho.

Abalamuzi 1:34

Abamori baasindiikiriza ab'ekika kya Dani, baabairirizaayo mu kiketezo eky'oku nsozi, baaloba kubaganha kwika mu kiketezo eky'oku museetwe.

Abalamuzi 10:7

Musengwa Katonda yaasungughalira Abaisiraeli abo, yaaleka Abafilisiti n'Abammoni baabaghangula.

Abalamuzi 2:20

Agho obusungu bwa Musengwa Katonda bwatumbukira ku Baisiraeli ng'oti muliro, yaakoba ati: “Abantu ab'eighanga lino bamenhie endagaano ye nalagira badhaadha baibwe okukuumanga, era tibakampulira naire.

Abalamuzi 3:12

Abaisiraeli bairamu kabiri baayonoona ye Musengwa Katonda. Kale Musengwa Katonda yaagha kyabazinga Eguloni ow'e Moabu amaani okulwanisa Abaisiraeli.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.