Abalamuzi 2:12 - Baibuli Ekibono kya Katonda 2014

¹² Baava ku Musengwa Katonda, Katonda wa badhaadha baibwe eyabatoola mu nsi Misiri, baasinza emisambwa egy'abantu abaali nga babeezungulwire. Baakubira emisambwa egyo amakiryaivu, era mu nsambo eyo baaleetera Musengwa Katonda okusungughala.

Abalamuzi 2:12 ပူးပေါင်းရင်းမြစ်များ

Zabbuli 106:36

nga basinza ebitali Katonda era ekyo kyabaviiraku okuzikirira.

Zabbuli 78:58

Basonsoonia Katonda baamusungughaza olw'ebifo byaibwe ebigulumivu bye baasinzizangamu era baamuleetera okuba n'enkikidi olw'ebifaananie ebibaadhe bye baasinzanga.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:16

Ako n'akaidha okubanga akamanhiso akanaabanga ku mikono oba mu bweni okutwidhukiza nga Musengwa Katonda bweyatutoola mu Misiri ng'akozesa amaani ge agataloodheka.”

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 13:9

Era lwidha kubabeereranga kamanhiso ng'oti n'omuntu k'ata ku mukono, era lubabeerenga ekiidhukizo ng'oti n'omuntu ky'asiba mu bweni, olwo amateeka ga Musengwa Katonda galobenga kubava ku minwa; kuba Musengwa Katonda yabatoola mu Misiri ng'akozesa amaani ge agataloodheka.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Yeremia 16:11

Agho iwe oidha kubakoba oti, ‘Badhaadha baimwe banvaaku baaja ye bakatonda abandi, baabagheerezanga era baabasinzanga. Nze baaneerabira baaloba kukuuma mateeka gange.

Amateeka Agokubiri 13:5

Aye omulanzi oyo oba omuvuunuzi w'ebirooto oyo, aitibwenga, kuba abakoba kudheemera Musengwa Katonda waimwe, eyabatoola mu Misiri, ye mwakolanga obwiru. Omuntu ng'oti n'oyo aba ali kubadaaliimya okubatoola ku mpisa, Musengwa Katonda waimwe dhe yabalagira okugemanga, ky'anaavanga n'aitibwa, ni mwetoolaku ekibi ekyo.

Amateeka Agokubiri 29:18

Mwekuumenga ghalobe kubaagho musaadha oba mukazi, oba maka, oba kika, mu bali ghano olwaleero, akyusa mwoyo gwe n'ava ku Musengwa Katonda waife, n'asinza bakatonda b'amaghanga gandi. Okukola ekyo kuba ng'oti n'omuzi ogusibuka ku kimera ekikaagha era eky'obutwa.

Amateeka Agokubiri 29:25

Abantu baidhanga kwiramu bati, ‘Lwa kuba baamenha endagaano ya Musengwa Katonda wa badhaadha baibwe, ye yakola nabo bwe yabatoola mu Misiri.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Amateeka Agokubiri 33:17

Yosefu ali n'amaani ng'oti ga nte nume, n'amayiga ng'oti ga mbogo. Amayiga ago, n'enkumi n'enkumi edh'abalwani Abamanasse, era n'emitwalo n'emitwalo egy'abalwani Abaefuraimu. Amayiga ago aligakozesa okufula amaghanga, yaagasindiikiriza okugatuusa ensi y'ekoma.”

Amateeka Agokubiri 4:25

“Ni bwe muliba nga mumaze entangama endeeyi mu nsi eyo, nga muzaire abaana era nga muli n'abaidhukulu, mutagezangaku kwonoona nga mwekolera ekisinzibwa ekitali Katonda eky'ensambo yoonayoona. Ekyo kibi mu maiso ga Musengwa Katonda waimwe, era kirimusungughaza.

Amateeka Agokubiri 5:9

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe n'abaidhukulu, okutuukira irala ku luse olwokusatu n'olwokuna.

Amateeka Agokubiri 6:12

mwegenderezenga mulobe kwerabiranga Musengwa Katonda eyabatoola e Misiri, ye mwali nga mukola obwiru.

Abalamuzi 10:11

Musengwa Katonda yairamu Abaisiraeli ati: “Nze tyabawonia bwe mwali nga muli kutuntuzibwa Abamisiri, n'Abamori n'Abammoni, n'Abafilisiti,

Abalamuzi 5:8

Abaisiraeli bwe baalondagho okusinza bakatonda abayaaka, olwo ghaabaagho olutalo mu Isiraeli. Mu basaadha emitwalo ena (40,000) mu Isiraeli, ghaabulagho eyagemaku ku ngabo oba ku ifumo mu ngalo dhe.

Abalamuzi 8:33

Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.