Abalamuzi 2:11 - Baibuli Ekibono kya Katonda 2014

¹¹ Agho Abaisiraeli baayonoona ye Musengwa Katonda, baasinza emisambwa egyetebwa Baali.

Abalamuzi 2:11 ပူးပေါင်းရင်းမြစ်များ

Amainhama 13:13

Abantu ba Sodoma baali babi, era nga boonooni inho ye Musengwa Katonda.

Amainhama 38:7

Aye Eri, omwana omuberi owa Yuda, yali wa mpisa mbi mu maiso ga Musengwa Katonda; kale Musengwa Katonda yaamwita.

1 Bakyabazinga 11:5

Solomoni yaasinza omusambwa omukazi Ashitorethi ogw'Abasidoni, n'omusambwa Milikomu ogw'Abammoni, ogwenhinhalwa.

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

1 Bakyabazinga 22:53

Ahazia oyo yaagheerezanga omusambwa Baali era yaagusinzanga. Olwo yaasungughaza Musengwa Katonda, Katonda wa Isiraeli, mu nsambo n'endala nga lata we bwe yakola.

2 Ebyomubyanda 28:2

Aye yaajiiranga ku mpisa embi edha bakyabazinga ba Isiraeli, era yaakola n'ebifaananie by'emisambwa Baali, mu kyuma ekisaanuusiibwa.

2 Ebyomubyanda 28:3

Yaaniokezanga obubbaani mu kiiko kya mutabane wa Hinnomu. Yaatuuka n'okwokyanga batabane be ng'ebigheebwayo, ng'empisa eyenhinhalwa bweyali ey'abamaghanga agandi, Musengwa Katonda be yabinga mu nsi eyo nga Abaisiraeli bali kumpi okutuukayo.

2 Ebyomubyanda 33:6

Yaayokyanga batabane be ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Ezera 8:12

Yohanani mutabane wa Hakkatani yaakulira ab'oku nda ya Azigadi, era yeeghandiisa n'abantu kikumi na ikumi (110).

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Zabbuli 78:56

Aye baaleba Katonda era baamudheemera oyo Ali Ghaigulu Yeene baaloba kugondera biragiro bye,

Yeremia 11:10

Baizeeyo mu kukola ebibi badhaadha baibwe bye baakolanga, ni baloba okugonderanga bye nabalagira. Era buti abantu b'omu Isiraeli n'ab'omu Buyudaaya basinza bakatonda abandi, baamenha endagaano ye nakola ni badhaadha baibwe.

Yeremia 16:11

Agho iwe oidha kubakoba oti, ‘Badhaadha baimwe banvaaku baaja ye bakatonda abandi, baabagheerezanga era baabasinzanga. Nze baaneerabira baaloba kukuuma mateeka gange.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 2:23

Musobola mutya okukoba muti, ‘Titubangaku boonoonefu, era titusinzangaku musambwa Baali?’ Mubone nga bwe mwebisa obubi mu kiiko, mutegeere bye mwakola. Muli ng'oti ngamiya ebbaamuuse n'erumukira eno n'ere.

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Yeremia 9:14

Aye baakola bw'ebyo emyoyo gyaibwe emikalangufu bye gyenda, nga bajiira ku musambwa Baali nga badhaadha baibwe bwebaabeegeresa.

Okubala 25:3

Kale Abaisiraeli baasinzanga omusambwa Baali ogw'e Peori. Agho obusungu bwa Musengwa bwabatumbukiraku ng'oti muliro.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

Amateeka Agokubiri 4:25

“Ni bwe muliba nga mumaze entangama endeeyi mu nsi eyo, nga muzaire abaana era nga muli n'abaidhukulu, mutagezangaku kwonoona nga mwekolera ekisinzibwa ekitali Katonda eky'ensambo yoonayoona. Ekyo kibi mu maiso ga Musengwa Katonda waimwe, era kirimusungughaza.

Abalamuzi 10:10

Agho Abaisiraeli baalirira Musengwa Katonda nga bakoba bati: “Twayonoona mu maiso go, kuba twakuvaaku iwe Katonda waife, twasinza emisambwa gi Baali.”

Abalamuzi 10:6

Agho Abaisiraeli kabiri baakola ebibi ye Musengwa Katonda, nga basinza emisambwa, Baali ni Ashitarothi. Era baasinza bakatonda b'Abasiria, n'ab'Abasidoni, n'ab'Abamoabu, n'ab'Abammoni, n'ab'Abafilisiti. Abaisiraeli abo, baava ku Musengwa Katonda, baalekera agho okumusinza.

Abalamuzi 13:1

Agho Abaisiraeli kabiri baayonoona ye Musengwa Katonda. Musengwa Katonda yaabaleka okufugibwa Abafilisiti okumala emyaka amakumi ana.

Abalamuzi 3:12

Abaisiraeli bairamu kabiri baayonoona ye Musengwa Katonda. Kale Musengwa Katonda yaagha kyabazinga Eguloni ow'e Moabu amaani okulwanisa Abaisiraeli.

Abalamuzi 3:7

Agho Abaisiraeli beerabira Musengwa Katonda waibwe. Baayonoona y'ali, nga basinza emisambwa Baali ni Ashera.

Abalamuzi 4:1

Ehudi bwe yamala okufa, Abaisiraeli bairamu kabiri okwonoona ye Musengwa Katonda.

Abalamuzi 6:1

Agho Abaisiraeli kabiri baayonoona ye Musengwa Katonda. Musengwa Katonda yaaleka Abamidia okubafuga okumala emyaka musanvu.

Abalamuzi 6:25

Mu bwire obwo, malaika wa Musengwa Katonda yaakoba Gideoni ati: “Toola ente ya lata wo enume, n'ente eyindi enume ey'emyaka omusanvu, omenhemenhegho alutaari lata wo ye yazimbira Baali, era otemeteme n'empagi ya Ashera egiri ku mbali agho.

Abalamuzi 8:33

Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.

1 Samueli 12:10

Agho badhaadha baimwe baalirira Musengwa Katonda, nga bakoba bati: ‘Twakola ebibi, kuba twava ku Musengwa Katonda twagheereza emisambwa Baali ni Ashitarothi. Aye mperaano tukweghemba otuwonie abazigu baife, twidha kukugheerezanga.’

1 Samueli 7:3

Agho Samueli yaakoba Abaisiraeli boonaboona ati: “Oba nga mwenda okukyuka okwira ku Musengwa Katonda n'omwoyo gwaimwe gwonagwona, mutoolegho emisambwa egy'amaghanga agandi gyonagyona era mutoolegho n'ebifaananie eby'omusambwa omukazi Ashitarothi. Mwegheereyo irala eri Musengwa Katonda, yenka ye mube mugheereze. Aidha kubawonia Abafilisiti.”

1 Samueli 7:4

Kale Abaisiraeli baatoolagho ebifaananie by'emisambwa Baali ni Ashitarothi, baagheereza Musengwa Katonda yenka.