Abalamuzi 19:3 - Baibuli Ekibono kya Katonda 2014

³ Agho iba yaasitula, yaaja okumuwooyawooya amwize. Yaatwala omugheereza we n'endogoyi ibiri. Yaatuuka ku ndhu ya lata w'omughala. Lata w'omughala bwe yamubona, yaamusangaalira inho.

Abalamuzi 19:3 ပူးပေါင်းရင်းမြစ်များ

Amainhama 34:3

Omwoyo gwe gwatwalirizibwa inho Dina oyo mughala wa Yakobo, yaamwenda inho era yaayogera naye n'ekisa.

Amainhama 50:21

Kale ni mutatya naire, ndidha kubalabiriranga imwe, n'abaana baimwe abato.” Yaabagumya atyo n'ebibono eby'ekisa.

Yeremia 3:1

Musengwa Katonda akoba ati: “Omusaadha bw'abinga mukazi we, omukazi oyo naabayira omusaadha owundi, omusaadha oyo asobola kabiri okwiza omukazi oyo? Olwo ensi eyo eba teyonooneike? Aye imwe Abaisiraeli timwali beesigwa ye ndi, mwaba ng'oti malaaya bw'aba n'abagonzi be abangi. Aye obwo mwenda kabiri kwira ye ndi?

Hosea 2:14

Kale ni bona eno, ndimulembereza naamutwala mu irungu, naayogera naye mu kugonza okungi.

Hosea 2:16

Agho mu biseera ebyo aliiramu okundheta iba yaalekera agho okundheta Baali,

Abalevi 19:17

“Otakyaghanga muntu yeenayeena n'omwegemerera, aye omunenianga byaweera agho, olobe kugwa mu kibi olw'oyo.

Abalevi 20:10

“Omusaadha bw'anaabanga ni muka musaadha mwine mu buliri, abenzi bombi, omusaadha oyo n'omukazi, banaitibwanga.

Okubala 22:22

Aye obusungu bwa Katonda bwatumbukira ku Balaamu ng'oti muliro, olw'okuja. Agho Balaamu bweyali ali kuvuga endogoyi ye ng'ali n'abagheereza be babiri, malaika wa Musengwa yeekiika mu ngira okumulobera okweyongerayo.

Matayo 1:19

Yosefu iba, olw'okuba yali muntu mutuufu, era nga tiyayenda kumuswaza, mule yaasalagho okumulekagho mu ngiso.

Yoanne 8:11

Omukazi yairamu ati: “Musengwa, ghazira.” Yesu yairamu ati: “Zeena ni tigukusalire. Golola, aye toirangayo kukola kibi.”]

Ab'e Galatia 6:1

Aboluganda, omuntu yeenayeena bw'ayagaanibwa ng'akoze ekisobyo kyonakyona, abo abafugibwa Mwoyo mu imwe mugwaine okumugoloza, aye nga timukozesa bukambwe. Aye mwekuumenga mwena mulobe kukemebwa.

Abalamuzi 15:1

Bwe ghaabitaghooku entangama, Samusoni yaaja okukyalira mukazi we mu biseera eby'okukungula engaano, ng'amutwaliire embuzi entototo. Yaakoba ati: “Nhenda kwingira mu kisenge kya mukazi wange.” Aye lata wa mukazi we yaaloba kumuganha kwingira,

Abalamuzi 19:2

Aye omukazi oyo yaasungughalira iba oyo, yaavulumuka yairayo mu ndhu ya ise mu Bethelehemu e Buyudaaya, yaaba eyo okumala emyezi ena.

Abalamuzi 19:26

Agho obwire nga buli kukya, omukazi yaidha yaagwa agho gha mulyango gw'endhu y'omusaadha omukaire omwali iba, yaaba agho okutuusa lwe bwakyera irala.

Abalamuzi 19:4

Lata w'omughala oyo, yaikirizisa mukoirume we okusigalayooku okumala enaku isatu. Kale baalya, baanhwa era baasulayo.