Abalamuzi 19:25 - Baibuli Ekibono kya Katonda 2014

²⁵ Aye abasaadha baaloba kumuwulirisa. Kale omusaadha yaagema mukazi we yaamufulumya ye bali. Baamukaka baaba naye era baamukolaku ebintu ebibi obwire bwonabwona okutuusa enkyo. Baamuleka yaaja nga buli kukya.

Abalamuzi 19:25 ပူးပေါင်းရင်းမြစ်များ

Amainhama 4:1

Adamu yaaba ni mukazi we Eva, yaatoola enda. Yaazaala omwana era yaakoba ati: “Nfunie omwana nga Musengwa Katonda n'ambeera.” Kale yaamutuuma eriina Kaini.

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Hosea 9:9

Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

Ab'Efeso 4:19

Tibakaali na nsoni beemaliire mu bya budankaanu, balulunkanira okukola ebibi ebya buli nsambo.

Abalamuzi 19:24

Bona, ghaligho mukazi we ni mughala wange omwegha. Ka nfulumye abo mpegaano, mubakole kyonakyona kye mwenda. Aye omusaadha ono mutamukolaku kya budankaanu kyaga agho!”

Abalamuzi 19:26

Agho obwire nga buli kukya, omukazi yaidha yaagwa agho gha mulyango gw'endhu y'omusaadha omukaire omwali iba, yaaba agho okutuusa lwe bwakyera irala.

Abalamuzi 20:5

Abasaadha ab'e Gibea baanumba, baazingiza endhu mwe nali obwire, baagyezunguluza. Baali benda kundhita, aye baamala baika ku mukazi wange baamukaka, yaafa.