Abalamuzi 19:22 - Baibuli Ekibono kya Katonda 2014

²² Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

Abalamuzi 19:22 ပူးပေါင်းရင်းမြစ်များ

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

Ezekieli 16:46

“Mukulu wo bamweta Samaria, ng'ali ku luuyi lwo olw'omukono omugooda olw'e buvandhuba ghalala n'ebibuga bye. Ate muto wo bamweta Sodoma, ng'ali ku luuyi lwo olw'omukono omusaadha olw'e buvandhuba ghalala n'ebibuga bye.

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Hosea 9:9

Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

1 Ab'e Korintho 6:9

Timwidhi ng'abakozi b'ebibi tibalingira mu Bwakyabazinga bwa Katonda? Mulobe kwerimba ghazira badankaanu, waire abasinza ebitali Katonda, waire abenzi, waire abatamiivu, waire abasaadha abadankaana ni basaadha banaibwe, oba abakazi abadankaana ni bakazi banaibwe, abalingira mu Bwakyabazinga bwa Katonda.

2 Ab'e Korintho 6:15

Kurisito aisania atya ni Beliali? Oba omwikiriza aisania atya n'atali mwikiriza?

Amateeka Agokubiri 13:13

ghaligho abantu ab'eighanga lyaimwe abadankaanu, abamaze okusendasenda abatyamye b'omu kibuga kyaibwe okusinza bakatonda be mutasinzangaku.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Abalamuzi 16:25

Agho bwe baali nga bali kusagambya, baakoba bati: “Mwete Samusoni aidhe atusanhuseeku!” Kale baamuleeta okuva mu ikomera yaabasanhusa, baamwemereza ghagati gh'empango.

Abalamuzi 20:5

Abasaadha ab'e Gibea baanumba, baazingiza endhu mwe nali obwire, baagyezunguluza. Baali benda kundhita, aye baamala baika ku mukazi wange baamukaka, yaafa.

Abalamuzi 20:6

Naatwala omulambo gwe, naagusalasalamu ebitundu, naagheereza mu biketezo byonabyona ebyagheebwa Isiraeli ng'omugabo kuba baakola ekyenhinhalwa era eky'obudankaanu mu Isiraeli.

1 Samueli 1:16

Nze omwiru wo omukazi otantwala ng'omukazi aziramu makulu, kuba agho woonawoona mbaire ndi kukobanga ebindeeteire enaku n'okweraliikirira.”

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.

1 Samueli 2:12

Batabane ba Eli baali abantu abazira kye bagasa, nga tibaisaayo mwoyo ku Musengwa Katonda.

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.