Abalamuzi 18:8 - Baibuli Ekibono kya Katonda 2014

⁸ Abasaadha abataanu bwe bairayo e Zora n'e Eshitaolo, baganda baibwe baababuuza kye bazwire.

Abalamuzi 18:8 ပူးပေါင်းရင်းမြစ်များ

Yoshua 15:33

Mu kiketezo eky'omu kiiko, baagheebwayo ebibuga bino: Eshitaolo, Zora, Ashina,

Abalamuzi 13:2

Ghaaligho omusaadha, eriina lye nga ni Manoa, ow'e Zora, nga wa mu kika kya Dani. Mukazi we yali mugumba, nga tazaalangaku mwana.

Abalamuzi 16:31

Agho baganda be n'ab'endhu ya ise boonaboona, baidha okutwala omulambo gwe. Baamutwala, baamuziika ghagati gh'e Zora n'e Ashitaoli, mu lwambiidhi lwa lata we Manoa. Yali akulembeire Isiraeli okumala emyaka amakumi abiri.

Abalamuzi 18:11

Agho abasaadha lukaaga (600) ab'omu kika kya Dani, baasitula nga bagemye eby'okulwanisa okuva e Zora n'e Eshitaolo.

Abalamuzi 18:2

Agho ab'omu kika kya Dani boonaboona, beerondamu abasaadha abaziramu ntete bataanu. Baabatuma, nga bava mu Zora ni mu Eshitaolo, okuja okukeeta n'okwetegereza ensi eyo. Bwe baatuuka mu maka ga Mika, mu kiketezo eky'e Efuraimu eky'oku nsozi, baaba agho.

Abalamuzi 18:7

Agho abasaadha abo abataanu baaja, baatuuka e Laishi. Baabona ng'abantu baayo bali miraala ng'oti n'ab'e Sidoni bwe baali. Abantu abo baali baikaikamu, nga tibasuubira muntu yeenayeena kubalumba naire, nga bali na kiisi kye beetaaga era nga bakombe. Baali ghala inho n'Abasidoni, era nga bazira bantu bandi be bakolagana nabo.

Abalamuzi 18:9

Baabairamu bati: “Musituke tuje tubalumbe. Kuba bona, tumaze okuzuula ng'ensi yaibwe ngimu inho. Mulobe kuba bwagho. Mwangughe, muje mugitwale ebe yaife.