Abalamuzi 18:7 - Baibuli Ekibono kya Katonda 2014

⁷ Agho abasaadha abo abataanu baaja, baatuuka e Laishi. Baabona ng'abantu baayo bali miraala ng'oti n'ab'e Sidoni bwe baali. Abantu abo baali baikaikamu, nga tibasuubira muntu yeenayeena kubalumba naire, nga bali na kiisi kye beetaaga era nga bakombe. Baali ghala inho n'Abasidoni, era nga bazira bantu bandi be bakolagana nabo.

Abalamuzi 18:7 ပူးပေါင်းရင်းမြစ်များ

1 Bakyabazinga 1:6

Lata we Daudi, yali nga tamuneniangaku mu kintu kyonakyona. Adoniya oyo yali mulungi mu mboneka ye, era nga ni muto wa Abusalomu amwiraku.

1 Bakyabazinga 16:31

Eky'okukola ebibi nga Yeroboamu mutabane wa Nebati bwe yakola tikyamumala ng'oti se kitono, aye yaataaku n'okubayiza Yezebeli, mughala wa kyabazinga Ethibaali ow'Abasidoni. Ahabu oyo era yaatuuka n'okuja okugheereza omusambwa Baali era n'okugusinza.

1 Ebyomubyanda 4:40

Baayagaanayo aghantu aghali eisubi eirungi eigimu, mu kiketezo ekigazi era ekiwolu ekiidhwire emiraala. Abatyamye baamu abaasooka baali nga basimuka mu Hamu.

Yeremia 49:31

‘Mwidhe tuje, tulumbe abantu abo abawulira mule nga bali mu miraala. Ekibuga kyaibwe kiziraku ndhigi, oba okubaaku ebisiba, oba okubaaku abakikuuma.’

Ab'e Roma 13:3

kuba abafuzi baba babi y'abo abakola ebibi, aye ti y'abo abakola ebikalamu. Oyenda omufuzi obutakutiisa? Kale kola ebikalamu era aidha kukusiima,

Yoshua 19:47

Ekiseera kyatuuka, ekiketezo eky'Abadani kyabanhagibwaku abazigu. Agho Abadani baaja mu kibuga Leshemu baakirumba, baakighangula era baita abantu baamu, baakyeiriza. Baatoolera okukityamamu era baakikyusa n'eriina okuva ku Leshemu baakyeta Dani eriina lya dhaadha waibwe.

1 Petero 2:14

oba babe abafuzi b'asindika okubonereza abo abakola obubi n'okusaaka abo abakola obukalamu.

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’

Abalamuzi 18:29

Eriina ery'ekibuga ekyo eryali Laishi baalikyusa, baakituuma Dani erya dhaadha waibwe eyali mutabane wa Yakobo.

Abalamuzi 18:6

Kabona oyo yaabairamu ati: “Muje miraala, Musengwa Katonda ali kubalabirira mu lugendo lwaimwe.”

Abalamuzi 18:8

Abasaadha abataanu bwe bairayo e Zora n'e Eshitaolo, baganda baibwe baababuuza kye bazwire.

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.