Abalamuzi 18:29 - Baibuli Ekibono kya Katonda 2014

²⁹ Eriina ery'ekibuga ekyo eryali Laishi baalikyusa, baakituuma Dani erya dhaadha waibwe eyali mutabane wa Yakobo.

Abalamuzi 18:29 ပူးပေါင်းရင်းမြစ်များ

Amainhama 14:14

Aburamu bweyawulira nga batwaire owoluganda lwe nga munhage, yaaja n'abasaadha be abalwani, abaazaalirwa mu ndhu ye, ebikumi bisatu na ikumi na munaana, baabingirira bakyabazinga bale abana okutuuka e Dani.

Amainhama 30:6

Rakeli yaakoba ati: “Katonda asaze mu butuufu. Era awuliire okusaba kwange, yampa omwana mulenzi.” Kyeyava n'amutuuma eriina Dani.

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

2 Samueli 17:11

Kale nze mpa amagezi gano: soloza Abaisiraeli boonaboona okuva e Dani okutuuka e Beerisheba, babe kamaala ng'oti musenho gwa ku nhandha, olwo iwe mwene oje nabo mu lutalo aghazira kutuma.

1 Bakyabazinga 15:20

Agho Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli, yaagema ebibuga bino: Iyoni, ni Dani, ni Abeli Bethi Maaka, ni Kinnerothi, n'ekiketezo kyonakyona ekya Nafutali.

Yeremia 8:16

Abazigu baife bamaze okutuuka mu kibuga ky'e Dani. Embalaasi dhaibwe tudhiwulira nga dhiri kugufula, era nga dhiri kukuba emyasi, n'ensi yoonayoona yaadhugumira. Abazigu baife bali kwidha okuzikiriza ensi yaife n'ebigirimu byonabyona, era bazikirize ebibuga byaife n'abantu ababirimu boonaboona.”

Amateeka Agokubiri 34:1

Agho Musa yaava mu kiketezo eky'oku museetwe e Moabu, yaaniinaniina ku lusozi Nebo, entwiko ya Pisiga, olulingiriire Yeriko. Musengwa Katonda yaamwoleka ekiketezo kyonakyona okuva e Gileadi, okutuuka e Dani,

Yoshua 19:47

Ekiseera kyatuuka, ekiketezo eky'Abadani kyabanhagibwaku abazigu. Agho Abadani baaja mu kibuga Leshemu baakirumba, baakighangula era baita abantu baamu, baakyeiriza. Baatoolera okukityamamu era baakikyusa n'eriina okuva ku Leshemu baakyeta Dani eriina lya dhaadha waibwe.

Abalamuzi 18:7

Agho abasaadha abo abataanu baaja, baatuuka e Laishi. Baabona ng'abantu baayo bali miraala ng'oti n'ab'e Sidoni bwe baali. Abantu abo baali baikaikamu, nga tibasuubira muntu yeenayeena kubalumba naire, nga bali na kiisi kye beetaaga era nga bakombe. Baali ghala inho n'Abasidoni, era nga bazira bantu bandi be bakolagana nabo.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.