Abalamuzi 18:2 - Baibuli Ekibono kya Katonda 2014

² Agho ab'omu kika kya Dani boonaboona, beerondamu abasaadha abaziramu ntete bataanu. Baabatuma, nga bava mu Zora ni mu Eshitaolo, okuja okukeeta n'okwetegereza ensi eyo. Bwe baatuuka mu maka ga Mika, mu kiketezo eky'e Efuraimu eky'oku nsozi, baaba agho.

Abalamuzi 18:2 ပူးပေါင်းရင်းမြစ်များ

Amainhama 42:9

Agho yaidhukira ebirooto bye yaloota kubo, yaabakoba ati: “Muli bakeesi. Mwidhie okubona obunafu bw'ensi yaife, memale mwidhe mutulumbe.”

Ensambo 20:18

Entegeka edh'omuntu dhituukirira lwa kugalagirwa. Kale sooka weebuuzenga ku magezi ng'okaali kutanula lutalo.

Okubala 13:17

Agho musa yaabatuma okukeeta mu nsi Kanaani, ng'abakoba ati: “Muje mubitire mu kiketezo ekikalukalu eky'oku luuyi olw'omukono omusaadha olw'e buvandhuba, mungire mu kiketezo eky'ensozi.

Luka 14:31

“Oba, kyabazinga ki aba ng'aja okutabaala kyabazinga owundi, atasooka kutyama ni yeebuuza oba ng'asobola n'abantu omutwalo omulala okutabaala ole ali n'emitwalo ebiri?

Yoshua 15:33

Mu kiketezo eky'omu kiiko, baagheebwayo ebibuga bino: Eshitaolo, Zora, Ashina,

Yoshua 19:41

Ekiketezo kyaibwe kyalimu ebibuga bino: Zora, Eshitaolo, Irishemeshi,

Yoshua 2:1

Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 2:2

Aye ghaabaagho abaaja ni bakobera omukulu w'ekibuga Yeriko bati: “Ghaligho Abaisiraeli abaidhie eigulo lino okukeeta ensi yaife.”

Abalamuzi 13:2

Ghaaligho omusaadha, eriina lye nga ni Manoa, ow'e Zora, nga wa mu kika kya Dani. Mukazi we yali mugumba, nga tazaalangaku mwana.

Abalamuzi 13:25

Omwoyo gwa Musengwa Katonda gwatoolera okumugha amaani ng'ali ghagati gh'e Zora n'e Eshitaolo mu Mahanehedani.

Abalamuzi 16:31

Agho baganda be n'ab'endhu ya ise boonaboona, baidha okutwala omulambo gwe. Baamutwala, baamuziika ghagati gh'e Zora n'e Ashitaoli, mu lwambiidhi lwa lata we Manoa. Yali akulembeire Isiraeli okumala emyaka amakumi abiri.

Abalamuzi 17:1

Ghaaligho omusaadha ng'eriina lye ni Mika, eyali ow'omu kiketezo eky'e Efuraimu eky'oku nsozi.

Abalamuzi 18:11

Agho abasaadha lukaaga (600) ab'omu kika kya Dani, baasitula nga bagemye eby'okulwanisa okuva e Zora n'e Eshitaolo.

Abalamuzi 18:13

Bwe baava agho baatuuka mu ndhu ya Mika mu kiketezo eky'e Efuraimu eky'oku nsozi.

Abalamuzi 18:3

Bwe baali nga bali eyo, baategeera endhogera y'omwisuka Omulevi. Agho baaja y'ali, baamubuuza bati: “Okola ki ghano? Era naani eyakuleeta ghano?”

Abalamuzi 18:8

Abasaadha abataanu bwe bairayo e Zora n'e Eshitaolo, baganda baibwe baababuuza kye bazwire.

Abalamuzi 19:1

Mu biseera ebyo, nga ghakaali kubaagho kyabazinga mu Isiraeli, ghaaligho Omulevi eyabanga eghala mu kiketezo eky'oku nsozi eky'e Efuraimu. Omulevi oyo yaafuna omukazi ow'embali mu Bethelehemu e Buyudaaya.

Abalamuzi 19:18

Omulevi yaamwiramu ati: “Tuva Bethelehemu mu Buyudaaya, nga twirayo eka eghala mu kiketezo eky'oku nsozi eky'e Efuraimu. Aye ghazira muntu atwingiiza mu ndhu ye kutusuza.