Abalamuzi 18:14 - Baibuli Ekibono kya Katonda 2014

¹⁴ Abasaadha bale abataanu abaaja okukeeta ensi y'e Laishi, baakoba banaibwe bati: “Mubaire mwidhi nga mu ndhu dhino mulimu ekifaananie ekibaadhe, ekisiigiibwaku feeza omusaanuuse? Era mubaire mwidhi nga mu ndhu dhino mulimu n'ekivaalo eky'obwakabona, era mwabaamu n'ebintu ebyetebwa terafimu? Kale ni mulowooze ku kye mugwaniire okukola.”

Abalamuzi 18:14 ပူးပေါင်းရင်းမြစ်များ

Yobu 3:2

Yobu oyo yaakoba ati:

Ensambo 19:27

Mwana wange, bw'olekera okuwulirisa bye nkugalagira, oidha kwerabira ni bye wali oidhi.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Abalamuzi 17:5

Omusaadha oyo Mika, yali n'eisinzizo erirye. Agho yaatunga ekivaalo eky'obwakabona era yaakola ebintu ebyetebwa terafimu. Yaayawula owundi ku batabane, yaafuuka kabona we.

Abalamuzi 18:13

Bwe baava agho baatuuka mu ndhu ya Mika mu kiketezo eky'e Efuraimu eky'oku nsozi.

Abalamuzi 18:15

Kale baakyukira agho, baaja mu maka ga Mika, baatuuka ku ndhu omwisuka Omulevi mwe yabanga, baamubuuza ebimufaaku.

Abalamuzi 8:27

Gideoni yaakola mu zaabu oyo ekisinzibwa ekitali Katonda, yaakita mu kibuga kye ekiri mu Ofura. Abaisiraeli boonaboona baava ku Katonda, baajangayo okukisinza, kyafuuka omutego eri Gideoni n'ab'omu maka ge.

1 Samueli 14:28

Aye ghaabaagho omuntu eyamukoba ati: “Lata wo asikiriire abantu n'ekikolimo ng'akoba ati, ‘Omuntu yeenayeena anaalya emere olwaleero luno, akolimirwe.’ ” Abantu boonaboona baali nga bawoiremu amaani.

1 Samueli 19:13

Agho Mikali yaagema ekifaananie ky'omusambwa gw'omu maka, yaakirambaaza ku buliri. Yaata emintwetwe waakyo omwito ogwakolebwa mu buviiri bw'embuzi, yaakighembaku engoye.