Abalamuzi 18:10 - Baibuli Ekibono kya Katonda 2014

¹⁰ Bwe munaatuukayo, mwidha kwagaana abantu abatasuubira muntu yeenayeena kubalumba naire. Ensi eyo ngazi, era erimu buli kintu omuntu kye yeetaaga. Bwenebwene, Katonda agibaghaire mugighangule.”

Abalamuzi 18:10 ပူးပေါင်းရင်းမြစ်များ

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Ezekieli 20:6

Era ku olwo nabasuubiza okubatoola mu nsi Misiri, mbatwale mu nsi ye nabategekera engimu era erimu ebirungi kamaala, esinga edhindi dhoonadhoona ekitiibwa.

Amateeka Agokubiri 2:29

okutuusa lwe tunaasomoka omwiga Yorudani, ni twingira mu nsi Musengwa Katonda waife y'ali kutugha. Tukusaba otuganhe ng'oti ni baidhukulu ba Esau ababa mu Edomu, n'Abamoabu ababa mu Ari, bwe baatuganha okubita mu nsi yaibwe.’

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

Yoshua 2:23

Olwo abakeesi bombi baava mu nsozi, baasomoka Yorudani, bairayo ye Yoshua baamukobera byonabyona bye baabitamu.

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 6:16

Era ku mukuzi ogwomusanvu, bakabona bwe baafuuwa endeka, Yoshua yaalagira abantu ati: “Muleekaane! Kuba Musengwa Katonda abaghaire ekibuga kino.

Abalamuzi 18:11

Agho abasaadha lukaaga (600) ab'omu kika kya Dani, baasitula nga bagemye eby'okulwanisa okuva e Zora n'e Eshitaolo.

Abalamuzi 18:27

Ab'omu kika kya Dani bwe baamala okutwala ebintu bya Mika bye yali akoze, ni kabona we, baalumba Laishi, ekibuga eky'abantu abaikaikamu era abatasuubira muntu yeenayeena kubalumba naire. Baabaita n'ekibuga baakikumaku omuliro kyaya.

Abalamuzi 18:7

Agho abasaadha abo abataanu baaja, baatuuka e Laishi. Baabona ng'abantu baayo bali miraala ng'oti n'ab'e Sidoni bwe baali. Abantu abo baali baikaikamu, nga tibasuubira muntu yeenayeena kubalumba naire, nga bali na kiisi kye beetaaga era nga bakombe. Baali ghala inho n'Abasidoni, era nga bazira bantu bandi be bakolagana nabo.

Abalamuzi 18:9

Baabairamu bati: “Musituke tuje tubalumbe. Kuba bona, tumaze okuzuula ng'ensi yaibwe ngimu inho. Mulobe kuba bwagho. Mwangughe, muje mugitwale ebe yaife.