Abalamuzi 17:5 - Baibuli Ekibono kya Katonda 2014

⁵ Omusaadha oyo Mika, yali n'eisinzizo erirye. Agho yaatunga ekivaalo eky'obwakabona era yaakola ebintu ebyetebwa terafimu. Yaayawula owundi ku batabane, yaafuuka kabona we.

Abalamuzi 17:5 ပူးပေါင်းရင်းမြစ်များ

Amainhama 31:19

Labani yali ng'ajiire okusala ku ntaama obuviiri, Rakeli yaiba emisambwa gya ise egy'omu maka.

Amainhama 31:30

Ndidhi nti wayendanga inho okuja, kuba ng'olumirwa inho endhu ya lata wo. Aye lwaki waiba emisambwa gyange egy'omu maka?”

1 Bakyabazinga 12:31

Yeroboamu era yaazimba amasabo mu bifo ebigulumivu eby'okusinzizaamu, yaataagho bakabona ng'abatoola mu bantu abatali ba mu kika kya Levi.

1 Bakyabazinga 12:32

Era yaataagho ekibinuko, kibengagho mu mwezi ogwomunaana, ku lunaku olweikumi n'eitaanu, nga kye baabanga nakyo mu Buyudaaya. Yaaja ku alutaari e Betheli yaaghaayo emisengo y'ebifaananie eby'ente ento bye yakola, era yaataagho bakabona abaagheerezanga mu masabo ge yazimba.

Ezera 1:7

Era kyabazinga Kuro yaafulumya ebintu eby'omu isinzizo lya Musengwa Katonda, kyabazinga Nebukadinezzari bye yali atoire mu Yerusalemu n'abitwala n'abita mu masabo ag'emisambwa gye.

Okuvaayo 24:5

Yaatuma abaisuka Abaisiraeli baaja baaghaayo ye Musengwa Katonda ebigheebwayo ebyokebwa n'emisengo egy'okutabagana, nga baghaayo ente.

Okuvaayo 28:15

Agho Musengwa Katonda yaalagira Musa ati: “Era oidha kukola ekivaalo eky'omu kifuba Omukulu wa Bakabona ky'anaakozesanga okumanha Katonda ky'ayenda. Oidha kukikola mu nsambo n'endala ng'oti n'ekivaalo eky'obwakabona, ng'okozesa engoye edha langi ya zaabu, n'edh'eya bbululu, n'edh'eya nakasooma, n'edh'eya kasaayisaayi, n'engoye empegheevu.

Okuvaayo 28:4

Ebivaalo bye babe bakole ni bino: eky'omu kifuba, eky'obwakabona, ekanzu, ekivaalo ekidholige n'empiso n'ewuuzi, ekitambaala eky'oku mutwe, n'olukoma. Baidha kukolera muganda wo oyo Aaroni ni batabane ebivaalo ebitukuvu bampeereze nga bakabona.

Okuvaayo 29:9

obasibe enkoma mu nkende era obavaaze n'enkuufiira ku mitwe. Otyo bw'oidha okwawula Aaroni ni batabane babe bakabona. Era obwakabona bwidha kubanga bwaibwe olw'ekiragiro ekitaja kuvaagho.

Isaia 44:13

Ate omubaadhi apima omuti n'olukoba, yaagulambaku n'ekalaamu. Yaagulanda n'eranda, era yaagulambaku n'ekyuma ekipima, yaagukolamu ekifaananie ekirungi kyene ekiri ng'oti muntu, eky'okuteebwa mu isabo.

Ezekieli 21:21

Kyabazinga ow'e Babilonia oyo ayemereire ghale engira dhombi ghe dhaagaananira. Olw'okwenda okuzuula engira y'anaagema, ali kusuula obulaso ghansi, yeeraguza ku misambwa, era yaakebera eini ery'ensolo y'aghaireyo ng'omusengo.

Ezekieli 21:26

Nze Musengwa Katonda ndi kukoba nti: Toolaku engule yo ku mutwe era osibuleku n'ekitambaala kyo ku mutwe, kuba ebintu tibirisigala nga bwe biri naire. Niinia abanafu babe bafuzi, ate ab'obukumu obaniinuse babe ghansi.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Hosea 8:14

Abaisiraeli bazimbye endhu edh'omughendo aye baaneerabira nze eyabatonda. N'ab'omu Buyudaaya bongeire okuzimba ebibuga ebyezungulwirwa ebimante ebigumu. Aye ndisindika omuliro gwayokya ebibuga byaibwe, era gwasaaniagho ebifo byaibwe eby'okwewogomamu.”

Okubala 3:10

Era oidha kutaagho Aaroni ni batabane be abo, bakole obwakabona; aye omuntu owundi yeenayeena agezaaku okukola obwakabona aidha kwitibwanga.”

Abaheburayi 5:4

Era omuntu tasobola kwegha mwene kitiisa ekyo kya kuba Kabona Mukulu. Aye ayetebwa bwetebwe Katonda ng'oti ni Aaroni bwe yayetebwa.

Abalamuzi 17:4

Agho Mika bwe yairiza inhina ebitundu bya feeza ebyo, inhina yaatoolaku ebitundu ebikumi bibiri, yaabigha omugheesi w'ebintu bya feeza, yaabaadha ekifaananie yaakisiigaku feeza oyo. Ekifaananie ekyo baakita mu ndhu ya Mika.

Abalamuzi 18:14

Abasaadha bale abataanu abaaja okukeeta ensi y'e Laishi, baakoba banaibwe bati: “Mubaire mwidhi nga mu ndhu dhino mulimu ekifaananie ekibaadhe, ekisiigiibwaku feeza omusaanuuse? Era mubaire mwidhi nga mu ndhu dhino mulimu n'ekivaalo eky'obwakabona, era mwabaamu n'ebintu ebyetebwa terafimu? Kale ni mulowooze ku kye mugwaniire okukola.”

Abalamuzi 18:24

Mika yairamu ati: “Muntoireku emisambwa gyange gye nakola, mwantoolaku ni kabona wange, mwatwala. Kiki kye nsigaizaagho? Olwo nga mumbuuza muti, ‘Kiki ekikutuuseeku?’ ”

Abalamuzi 18:30

Ab'omu kika kya Dani abo, baataagho ekifaananie ekibaadhe kire, okukisinzanga. Agho Yonathani mutabane wa Gereshomu, era mwidhukulu wa Musa, yaaba kabona waibwe. Yonathani oyo ni baidhukulu be abaamwiririra, n'abaali bakabona b'Abadani abo okutuusa abantu lwe baatwalibwa mu bunhage.

Abalamuzi 8:27

Gideoni yaakola mu zaabu oyo ekisinzibwa ekitali Katonda, yaakita mu kibuga kye ekiri mu Ofura. Abaisiraeli boonaboona baava ku Katonda, baajangayo okukisinza, kyafuuka omutego eri Gideoni n'ab'omu maka ge.

1 Samueli 19:13

Agho Mikali yaagema ekifaananie ky'omusambwa gw'omu maka, yaakirambaaza ku buliri. Yaata emintwetwe waakyo omwito ogwakolebwa mu buviiri bw'embuzi, yaakighembaku engoye.

1 Samueli 23:6

Abiathari mutabane wa Ahimeleki bwe yalumuka ni yeeyimba ku Daudi e Keila, yaja n'ekivaalo eky'obwakabona.