Abalamuzi 17:3 - Baibuli Ekibono kya Katonda 2014

³ Agho yairiza inhina ebitundu bya feeza ebyo. Inhina yaakoba ati: “Ka mpeeyo feeza ono abe wa Musengwa Katonda, ku lw'omwana wange, bamusaanuuse asiigibwe ku kifaananie ekibaadhe. Kale ni, feeza ono nja kumukwiriza.”

Abalamuzi 17:3 ပူးပေါင်းရင်းမြစ်များ

2 Ebyomubyanda 33:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo, Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

Okuvaayo 20:23

Mutakolanga bakatonda mu feeza ni mubasinziza ghalala ninze, waire okwekolera bakatonda mu zaabu.

Okuvaayo 20:4

“Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh'ensi.

Okuvaayo 34:17

“Muteewumbiranga kifaananie kya katonda nga mukozesa akatiba n'ekyuma ekisaanuuse, ni mumala ni mumusinza.

Isaia 30:22

Olwo mulitoola ebifaananie byaimwe ebibaadhe bye mwalimbyaku feeza, n'ebyo bye mwakola mu zaabu, mwabisuula ere ng'ebintu ebitali birongoofu, nga mukoba muti: “Muje ere, era timwiranga!”

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Abalevi 19:4

“Mutanvangaku ni musinza bitali Katonda, era muteekoleranga misambwa mu byuma bisaanuusiibwa ni mugisinza. Ninze Musengwa Katonda waimwe.

Yoanne 16:2

Balibabinga mu sinagoga. Ate ekiseera kirituuka oyo abaita lw'alirowooza ati okukola ekyo aba ali kukola mulimo gwa Katonda.

Amateeka Agokubiri 12:3

Mumenhemenhengagho alutaari dhaibwe, mutemetemenga empango dha bakatonda baibwe edh'amabaale, mwokyeyokyenga ebifaananie ebibaadhe eby'omusambwa gwaibwe omukazi Ashera, era mwasaageyasaagenga ebintu byaibwe bye basinza ebitali Katonda, byerabirirwenga irala ku nsi.

Amateeka Agokubiri 27:15

‘Omuntu yeenayeena anaakolanga ekifaananie ekibaadhe, oba ekisaanuusiibwa mu kyuma, memale n'akitaagho n'akisinza, akolimirwenga! Kuba okusinza ebitali Katonda kiba ekyenhinhalwa ye Musengwa Katonda.’ Olwo abantu boonaboona baliiramu bati, ‘Amiina.’

Abalamuzi 17:13

Agho Mika yaakoba ati: “Mpegaano nga bwendi n'Omulevi nga ni kabona wange, ndidhi nga Musengwa Katonda aidha kundeetera ebintu okunjiiranga obukalamu.”

Abalamuzi 17:2

Yaakoba inhina ati: “Ebitundu bya feeza olukumi n'ekikumi bye baakutwalaku, n'okolima nga mpulira, ninze nabitwala era ndi nabyo.” Inhina yaamukoba ati: “Musengwa Katonda akughe enkabi mwana wange.”

Abalamuzi 17:4

Agho Mika bwe yairiza inhina ebitundu bya feeza ebyo, inhina yaatoolaku ebitundu ebikumi bibiri, yaabigha omugheesi w'ebintu bya feeza, yaabaadha ekifaananie yaakisiigaku feeza oyo. Ekifaananie ekyo baakita mu ndhu ya Mika.

Abalamuzi 18:30

Ab'omu kika kya Dani abo, baataagho ekifaananie ekibaadhe kire, okukisinzanga. Agho Yonathani mutabane wa Gereshomu, era mwidhukulu wa Musa, yaaba kabona waibwe. Yonathani oyo ni baidhukulu be abaamwiririra, n'abaali bakabona b'Abadani abo okutuusa abantu lwe baatwalibwa mu bunhage.

Abalamuzi 18:5

Baamukoba bati: “Tukweghembye buuza Katonda atumanhise oba nga olugendo lwe tuli kujaamu lunaaba lukalamu.”