Abalamuzi 17:2 - Baibuli Ekibono kya Katonda 2014

² Yaakoba inhina ati: “Ebitundu bya feeza olukumi n'ekikumi bye baakutwalaku, n'okolima nga mpulira, ninze nabitwala era ndi nabyo.” Inhina yaamukoba ati: “Musengwa Katonda akughe enkabi mwana wange.”

Abalamuzi 17:2 ပူးပေါင်းရင်းမြစ်များ

Amainhama 14:19

Yaamusabira enkabi ati: “Katonda oyo Ali Ghaigulu Yeene aghenga Aburamu enkabi, oyo Katonda eyakola eigulu n'ensi!

Nehemia 13:25

Naavumirira inho abasaadha abo, era naabakolimira. Ate abandi naabakuba, era naabakuunhuula n'enviiri. Naabalayiza mu liina lya Katonda nti: “Mutafumbirwagananga nabo, nga mughaayo baghala baimwe okubayira batabane baibwe, oba okutoola baghala baibwe okubayira batabane baimwe, oba okubayira imwe beene.”

Zabbuli 10:3

Omukozi w'ebibi yeesaakiriza olw'okwegomba kwe okubi, era omuntu oyo agwidhubanira eby'okufuna, ayogera bubi ku Musengwa Katonda era yaamunhooma.

Okuvaayo 20:7

“Mutakozesanga liina lyange nze Musengwa Katonda waimwe mu bya matamatama, kuba tija kuloba kubonereza oyo yeenayeena akozesa eriina lyange obubi.

Ensambo 28:24

Ole anhaga ku bazaire be ebyaibwe ng'alowooza ati ti kibi, aba n'ekirala n'omutemo.

Yeremia 48:10

“Omuntu atakola mulimo gwa Musengwa Katonda na mwoyo mulala akolimirwe! N'oyo alobera empiima ye okwita akolimirwe!”

Matayo 26:74

Agho yaatoolera okwefuugha era n'okulayira ati: “Nze omusaadha timwidhi.” Era mangu ago, enkoko yaakolyoka.

Ab'e Roma 9:3

Kuba kasinga nze mwene Kurisito yandiinaamye olwa baganda bange, ab'eighanga eirala ninze.

1 Ab'e Korintho 16:22

Oyo yeenayeena atagonza Musengwa alaamibwe. Musengwa idha!

Amateeka Agokubiri 27:16

“ ‘Omuntu yeenayeena anaanhoomanga ise oba inhina, akolimirwenga!’ “Olwo abantu boonaboona baliiramu bati, ‘Amiina.’

2 Yoanne 1:11

Kuba oyo amulamusa aba aisania naye mu bibye by'akola.

Abalamuzi 17:1

Ghaaligho omusaadha ng'eriina lye ni Mika, eyali ow'omu kiketezo eky'e Efuraimu eky'oku nsozi.

Abalamuzi 17:3

Agho yairiza inhina ebitundu bya feeza ebyo. Inhina yaakoba ati: “Ka mpeeyo feeza ono abe wa Musengwa Katonda, ku lw'omwana wange, bamusaanuuse asiigibwe ku kifaananie ekibaadhe. Kale ni, feeza ono nja kumukwiriza.”

Abalamuzi 5:23

Malaika wa Musengwa Katonda akoba ati: “Mukolimire Merozi, mukolimire inho abatyamye baamu; kuba tibaidha kubeeraku Musengwa Katonda, mu kulwanisa ab'amaani.”

Ruthi 3:10

Boazi yaamwiramu ati: “Muna, Musengwa Katonda akughe enkabi, kuba obwesigwa bw'oli kwoleka buti businga obwo bwe wayoleka mu ebyo bye wakolera inhazaala wo. Kuba wandibaire buti ng'oli kwenoonezaayo mulenzi muto, k'abe mukombe oba mwavu, aye ekyo ti ky'okoze.

1 Samueli 14:24

Agho Abaisiraeli baaba bubi ku lunaku olwo, kuba Saulo yabalayiza ng'akoba ati: “Omuntu yeenayeena anaalya ng'eigulo likaali era nga nkaali kumala kwesasuuliza ku bazigu bange, akolimirwe.” Kale ghaabulagho akomba ku kamere waire omulala.

1 Samueli 14:28

Aye ghaabaagho omuntu eyamukoba ati: “Lata wo asikiriire abantu n'ekikolimo ng'akoba ati, ‘Omuntu yeenayeena anaalya emere olwaleero luno, akolimirwe.’ ” Abantu boonaboona baali nga bawoiremu amaani.

1 Samueli 15:13

Samueli yaaja yatuuka ku Saulo. Saulo yaamulamusa ati: “Musengwa Katonda akughe enkabi. Ntuukiriiza ekiragiro kya Musengwa Katonda.”

1 Samueli 23:21

Saulo yaakoba ati: “Musengwa Katonda abaghe enkabi, olw'okungemerwa ekivunika.

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!