Abalamuzi 17:13 - Baibuli Ekibono kya Katonda 2014

¹³ Agho Mika yaakoba ati: “Mpegaano nga bwendi n'Omulevi nga ni kabona wange, ndidhi nga Musengwa Katonda aidha kundeetera ebintu okunjiiranga obukalamu.”

Abalamuzi 17:13 ပူးပေါင်းရင်းမြစ်များ

Ensambo 14:12

Omuntu asobola okugema engira ng'adhuuba ati ntuufu, aye yaamutuusa ku kufa.

Isaia 44:20

Omuntu oyo ali ng'oti n'ole alya eivu. Aba yeerimbye era ng'adaaliimye, nga takaasobola kuwonia bulamu bwe, waire okwebuuzaaku mule ati: “Ekifaananie kye ngemye mu ngalo dhange ti kya buguya bwereere?”

Matayo 15:13

Yesu yaabakoba ati: “Buli kisimbe ekitasimbwa Lata wange ow'omu igulu kiriighibwagho.

Matayo 15:9

Bansinza mu nsinza eziramu, nga beegeresa endhegeresa abantu ye bataagho obute, n'eba ng'oti n'endhegeresa eyange.’ ”

Yoanne 16:2

Balibabinga mu sinagoga. Ate ekiseera kirituuka oyo abaita lw'alirowooza ati okukola ekyo aba ali kukola mulimo gwa Katonda.

Ebikolwa by'Abatume 26:9

“Nze mwene nadhuubanga nti nteekwa okukola kyonakyona kye mpanga okukiriga eriina lya Yesu Omunazarethi.

Abalamuzi 17:12

Omusaadha oyo Mika, yaamutaagho abe kabona we, era omwisuka oyo Omulevi, yaabanga mu maka ga Mika oyo.

Abalamuzi 18:1

Mu biseera ebyo tighaaligho kyabazinga mu Isiraeli. Era ab'omu kika kya Dani baali nga bakaayagala ekiketezo ekyaibwe eky'okubaamu, kuba baali nga bakaali kufuna mugabo gwaibwe mu bika bya Isiraeli.

Abalamuzi 18:24

Mika yairamu ati: “Muntoireku emisambwa gyange gye nakola, mwantoolaku ni kabona wange, mwatwala. Kiki kye nsigaizaagho? Olwo nga mumbuuza muti, ‘Kiki ekikutuuseeku?’ ”