Abalamuzi 16:6 - Baibuli Ekibono kya Katonda 2014

⁶ Agho Delila yaaja, yaakoba Samusoni ati: “Nkweghembye nkobera amaani go amangi ghe gakuva, n'engeri ole y'asobola okukugemamu n'akusiba, amaani ago ni gakuwaamu.”

Abalamuzi 16:6 ပူးပေါင်းရင်းမြစ်များ

Nehemia 6:4

Bampeereza obwo batyo emikuzi ena, era zeena nga mbairamu mu nsambo n'endala.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Ensambo 22:14

Olulimi olw'okwewooya omukazi omwenzi lw'akozesa, luli ng'oti lwina luleeyiriri, omuntu Musengwa Katonda y'asungughalira, n'alugwamu.

Ensambo 26:28

Omuntu omuguya, aba yakyagha abo b'aguya. Era okusuutasuuta omuntu kumuleetera kuzikirira.

Ensambo 6:26

Kuba ole asobola okukozesa malaaya ng'amughaire bwa mpiiya dhigula kya kulya, aye ole akwana muka beene aghaayo bulamu bwe bwene.

Ensambo 7:21

Agho omukazi yaakozesa ebibono ebisendasenda yaikirizisa omwisuka, era yaakozesa olulimi olw'okwewooya, yaamughangula.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Abalamuzi 14:17

Omukazi yaamuliriranga olw'ekyo buli lunaku, okumalaku enaku omusanvu edh'embaga. Aye ku lunaku olwomusanvu yaamukobera, kuba yamudeeberera inho. Omukazi yaakobera ab'eighanga lye.

Abalamuzi 16:5

Agho abakungu b'Abafilisiti baaja y'omukazi oyo, baamukoba bati: “Musendesende omanhe amaani ge amangi ghe gamuva, n'ensambo yetughanga okumugemamu ni tumusiba, amaani ago ni gamuwa. Olwo buli muntu ku ife aidha kukugha ebitundu bya feeza lukumi na kikumi (1,100) .”

Abalamuzi 16:7

Samusoni yairamu ati: “Bwe bansibisa obugugha obuyaaka omusanvu obw'akalaso, obukaali kukala, mba munafu ng'oti n'omuntu owundi yeenayeena.”