Abalamuzi 16:4 - Baibuli Ekibono kya Katonda 2014

⁴ Ebyo bwe byawa, Samusoni yaayenda omukazi mu kiiko ky'e Soreki, ng'eriina lye ni Delila.

Abalamuzi 16:4 ပူးပေါင်းရင်းမြစ်များ

1 Bakyabazinga 11:1

Kyabazinga Solomoni yayenda abakazi kamaala abamaghanga agandi, omwali ni mughala wa kyabazinga ow'e Misiri, n'abakazi Abamoabu, n'Abammoni, n'Abaedomu, n'Abasidoni, n'Abahitti.

Nehemia 13:26

Naabakoba nti: “Timwidhi nga Solomoni kyabazinga wa Isiraeli, abakazi ng'oti n'abo n'abaamuleetera okwonoona? Mu maghanga goonagoona tiyabaayooku kyabazinga eyali ng'oti ni ye, era Katonda we yamwenda inho yaamufuula kyabazinga wa Isiraeli yoonayoona. Aye ate abakazi abamaghanga agandi baamuleetera yeena okwonoona.

Ensambo 22:14

Olulimi olw'okwewooya omukazi omwenzi lw'akozesa, luli ng'oti lwina luleeyiriri, omuntu Musengwa Katonda y'asungughalira, n'alugwamu.

Ensambo 23:27

Malaaya ali ng'oti n'olwina oluleeyiriri era omukazi omwenzi yaaba ng'oti n'ensulo enfunda mw'otaghanga kuva.

Ensambo 26:11

Omusiru airamu okukola eby'ekisiru omukuzi ogundi, aba ng'oti n'embwa emala n'erya by'eseseime.

Ensambo 27:22

Omusiru ni bw'omusekula mu kinu ng'oti ni bwe basekula engaano okugitoolaku obukaba, obusiru bwe tibumuvaaku.

1 Ab'e Korintho 10:6

Mperaano ebintu bino bya kutulabula tulobe okwegomba ebintu ebibi ng'abo bwe baakola.

Abalamuzi 16:3

Aye Samusoni yalambaalaku kutuusa bwa mu bwire ghagati wonka. Yaasituka, yaagema endhigi edh'omulyango ogwingira mu kibuga n'emyango gyaku gyombi, yaadhikuukulagho n'ebisiba byaku n'ebidhiriku ebindi byonabyona. Olwo yaabbeedera endhigi edho ku mabega, yaadhitwala ku ntwiko y'olusozi olulingiriire Heburoni.

Abalamuzi 16:5

Agho abakungu b'Abafilisiti baaja y'omukazi oyo, baamukoba bati: “Musendesende omanhe amaani ge amangi ghe gamuva, n'ensambo yetughanga okumugemamu ni tumusiba, amaani ago ni gamuwa. Olwo buli muntu ku ife aidha kukugha ebitundu bya feeza lukumi na kikumi (1,100) .”