Abalamuzi 16:30 - Baibuli Ekibono kya Katonda 2014

³⁰ Yaakoba ati: “Ka nfiire ghalala n'Abafilisiti.” Yaasindika n'amaani ge goonagoona, endhu yaagwa ku bakungu ni ku bantu boonaboona abaali omwo. Kale, abantu Samusoni be yaita mu kufa kwe, baaba kamaala inho okusinga be yaita nga mulamu.

Abalamuzi 16:30 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Yobu 31:3

Akabi tikaidhira boonooni, n'okuzikirira tikugwira babi?

Zabbuli 62:3

Imwe, mulirekera li okulumba omuntu nga mwenda okumutemula, waire ng'omuntu oyo munafu ng'oti n'ekimante ekyeghendheike, era ng'oti n'olukomera oluja okugwa?

Omulangirizi 9:12

kuba ghazira muntu aidhi kiseera kye. Ng'ebyenhandha bwe babigemya mu katimba k'omuvubi, n'enhonhi ni badhigemya ku mutego gw'omuyiizi, n'abantu boona batyo bwe bagwa ku bizibu, byabazinduukiriza ng'oti mutego.

Matayo 16:25

kuba buli ayenda okuwonia obulamu bwe abufiirwa aye oyo afiirwa obulamu bwe ku lwange alibufuna.

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ebikolwa by'Abatume 21:13

Aye Paulo yairamu ati: “Mukola ki ekyo okulira n'okunafuya omwoyo gwange? Nze tiri mwetegefu kusibwa kyonka aye era n'okufiira mu Yerusalemu olw'eriina lya Musengwa Yesu.”

Ab'e Filippi 2:17

Omusaayi gwange ni bwe guyuyibwa ni gutabulwa n'omusengo gwe mughaayo olw'okwikiriza kwaimwe, nsangaala era nsagambira ghalala n'imwe mwenamwena.

Ab'e Filippi 2:30

kuba yeeghaayo olw'omulimo gwa Kurisito, era kata afe ng'ali kugezaaku okutuukiriza ekyo kye mwamuntumira.

Ab'e Filippi 2:8

Ng'amaze okufuuka omuntu, yeefeebya era yaaba muwulize okutuuka ku kufa, ate okufiira ku musalaba.

Ab'e Kolosai 2:15

Era ku musalaba okwo byonabyona ebyali n'obukumu era n'obufuzi yabitutoolaku, era yaayoleka obughanguzi bwe mu lwatu.

1 Ab'e Thessalonika 5:2

Kuba mwidhi bukalamu nga olunaku lwa Musengwa luligwa bugwe oti n'omwibi bw'aidha obwire.

Abalamuzi 14:19

Agho omwoyo gwa Musengwa Katonda gwamwidhaku n'amaani, yaaserengeta mu Ashikeloni, yaitayo abasaadha amakumi asatu, yaabanhagaku ebintu byaibwe, ebivaalo byaibwe eby'oku mbaga yaabitwalira abasaadha abaita ekikoiko kye. Olwo yairayo mu maka ga ise ng'aliku obusungu obubitirivu.

Abalamuzi 15:15

Agho Samusoni yaabona eigumba ery'oluba olw'endogoyi eyali yaakafa nga liri agho, yaalironda, yaaliitisa abasaadha lukumi (1,000).

Abalamuzi 15:8

Agho yaabalumba n'amaani mangi, yaabaita inho. Olwo yaaja yaaba mu mpuku eri mu lwatika olw'olubaale, mu kiketezo eky'e Etamu.

Abalamuzi 16:29

Samusoni yaagema empango dhombi edha ghagati, edhaali dhigemereire endhu eyo, yaadhimaliraku amaani ge goonagoona, omukono gwe omusaadha yaaguta ku yindi, n'omugooda ku yindi.

Abalamuzi 16:31

Agho baganda be n'ab'endhu ya ise boonaboona, baidha okutwala omulambo gwe. Baamutwala, baamuziika ghagati gh'e Zora n'e Ashitaoli, mu lwambiidhi lwa lata we Manoa. Yali akulembeire Isiraeli okumala emyaka amakumi abiri.