Abalamuzi 16:28 - Baibuli Ekibono kya Katonda 2014

²⁸ Agho Samusoni yaasaba Musengwa Katonda ng'akoba ati: “Wo Musengwa Katonda wange, nkweghemba ondidhukire ompe amaani ku mukuzi guno gwonka. Olwo nsobole, mu kikolwa kino ekirala, okwesasuuliza ku Bafilisiti olw'okuntundulamu amaiso gange gombi.”

Abalamuzi 16:28 ပူးပေါင်းရင်းမြစ်များ

2 Ebyomubyanda 20:12

Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

Zabbuli 10:12

Wo Musengwa Katonda, idha! Katonda wange, kozesa omukono gwo ogw'amaani. Oteerabira abo abadaazibwadaazibwa!

Zabbuli 116:4

Olwo naalirira Musengwa Katonda nti: “Wo Musengwa Katonda, nkweghembye mponia okufa.”

Zabbuli 143:12

Era olw'okungonza einho obutalekera, zikiriza abazigu bange boonaboona, osaaniegho abo boonaboona abankyagha; kuba nze nkugondera.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Yeremia 15:15

Agho naakoba Musengwa Katonda nti: “Wo Musengwa Katonda, iwe ondidhi! Nkusaba ondidhukire oidhe onhambe, oneesasuulizeegho ku abo abankiriga. Otabaguminkiriza kubagha kaghagaanhia ka kundhita. Oteerabira nga buliidho banvuma ku lulwo.

Yona 2:7

Wo Musengwa Katonda, bwe nali nga ndi kumpi kufa naidhukira okukusaba, era iwe wampa kye nakusaba ng'oli mu isinzizo lyo eitukuvu.

2 Timotheo 4:14

Alekisandero omugheesi yankola bubi inho, aye Musengwa alimwesasuulizaaku olw'ebyo bye yankola.

Abaheburayi 11:32

Nkobe ki era ndeke ki? Ekiseera kiidha kumpwaku bwe nnaayogera ku Gideoni, Baraki, Samusoni, Yefutha, Daudi, Samueli, ni ku balanzi.

Okwolekebwa 6:10

Baayasiikana bati: “Wo Musengwa Aghanga Ebintu Byonabyona, omutukuvu era ow'amazima, olisalira li abantu ab'oku nsi omusango okubasinga, n'obeesasuulizaaku olw'okutwita?”

Abalamuzi 15:18

Agho endiwo yaagema Samusoni, yaayeta Musengwa Katonda ati: “Ompaire obughanguzi buno obw'amaani. Aye obwo mpegaano nfe endiwo, era abo abatali bakekete bangeme?”

Abalamuzi 16:27

Endhu yali ng'ekubyeku abasaadha n'abakazi. N'abakungu boonaboona ab'Abafilisiti baali omwo. Era ghaigulu ku ngulu kwayo, kwona kwaliku abasaadha n'abakazi ng'oti enkumi isatu (3,000), abaali balingiriire Samusoni ng'ali kubasanhusa.

Abalamuzi 16:29

Samusoni yaagema empango dhombi edha ghagati, edhaali dhigemereire endhu eyo, yaadhimaliraku amaani ge goonagoona, omukono gwe omusaadha yaaguta ku yindi, n'omugooda ku yindi.

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.