Abalamuzi 16:25 - Baibuli Ekibono kya Katonda 2014

²⁵ Agho bwe baali nga bali kusagambya, baakoba bati: “Mwete Samusoni aidhe atusanhuseeku!” Kale baamuleeta okuva mu ikomera yaabasanhusa, baamwemereza ghagati gh'empango.

Abalamuzi 16:25 ပူးပေါင်းရင်းမြစ်များ

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

1 Bakyabazinga 20:12

Benihadadi bwe yaawulira obukwenda obwo ng'ali kunhwa mu ntindi ghalala ni bakyabazinga bale abaamweyimbaku, yaalagira abasaadha be ati: “Mwemerere mu bifo byaimwe!” Baayemerera mu bifo byaibwe nga beetegeike okulumba ekibuga.

Zabbuli 69:12

Nafuuka kya kughayaku eri abo abatyama mu kifo ky'olwekobaano, ku mulyango ogwingira mu kibuga, n'abatamiivu bandhiiyaamu enhembo.

Zabbuli 69:26

Kuba baja baakiriga abo b'obonereiza; baayongera obulumi ku abo b'ofumiite.

Isaia 22:13

Aye mu kifo ky'okukola mutyo, imwe mwaira bwa mu masanhu na kusagamba, mwaita ente n'entaama, mwalya emamba era mwanhwa n'omwenge. Eno nga mukoba muti: “Ka tunhwe era tulye, kuba enkyo tuja kwefiira.”

Matayo 27:29

Baaluka engule ey'amawa baagimuta ku mutwe, baamugemya n'olugada mu mukono omusaadha. Agho ni baakuba amakiryaivu mu maiso ge baamukiina nga bakoba bati: “Ghangaala Kyabazinga ow'Abayudaaya!”

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.

Abalamuzi 16:24

Abantu bwe baamubona baasaaka omusambwa gwaibwe bati: “Omusambwa gwaife gutughaire okughangula omuzigu waife, eyaitaitana ensi yaife era n'atwitaku abantu kamaala.”

Abalamuzi 16:26

Agho Samusoni yaakoba omwisuka eyali amugemye ku mukono, ati: “Ka ngemeku mpulire empango edhigemereire endhu eno, nsobole okudheesiiraku.”

Abalamuzi 18:20

Kabona yaasangaala inho, yaatoola ekivaalo eky'obwakabona, n'ebintu ebyetebwa terafimu, n'ekifaananie ekibaadhe, yaaja nabo.

Abalamuzi 19:6

Agho baatyama, baalya era baanhwa bombi ghalala. Lata w'omughala yaakoba mukoirume we ati: “Nkweghembye ganha osule, osanhukeku.”

Abalamuzi 19:9

Omusaadha ni mukazi we, n'omugheereza we, bwe baasituka okugolola, lata w'omughala yaakoba ati: “Bona, mpegaano ebiseera biibino bijiire inho. Mbeeghemba musule. Obwire buja kuziba. Mube ghano musanhukeku. Enkyo munaawuuna buwuune, mwagolola eka.”

Abalamuzi 9:27

baaja mu masamba gaibwe ag'emizabbibu, baanoga emizabbibu baagikunhamu omwenge. Era baakola ekibinuko, baingira mu isabo ly'omusambwa gwaibwe, baalya, baanhwa, era baavumirira Abimeleki.