Abalamuzi 16:24 - Baibuli Ekibono kya Katonda 2014

²⁴ Abantu bwe baamubona baasaaka omusambwa gwaibwe bati: “Omusambwa gwaife gutughaire okughangula omuzigu waife, eyaitaitana ensi yaife era n'atwitaku abantu kamaala.”

Abalamuzi 16:24 ပူးပေါင်းရင်းမြစ်များ

1 Ebyomubyanda 10:9

Saulo baamuvaalulula eby'okulwanisa bye era baamutemaku omutwe baagutwala. Agho baatuma abakwenda woonawoona mu nsi y'Abafilisiti okutuusaayo amawulire ago, mu masabo ag'ebisinzibwa byaibwe ebitali Katonda era ni mu bantu boonaboona.

Zabbuli 97:7

Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Isaia 37:20

Wo Musengwa Katonda waife, mpegaano ni tukweghembye tuwonie, otutoole mu ngalo edh'Abassiria. Olwo abantu abamaghanga agandi boonaboona basobole okumanha nga iwe, Musengwa Katonda, niiwe Katonda wenka.”

Ezekieli 20:14

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Danieli 5:4

Baanhwa omwenge era baasaaka ebisinzibwa ebitali Katonda abyakolebwa mu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale.

Habakkuku 1:16

Era baaghaayo n'emisengo eri obutimba bwaibwe obutono, baaniokeza obutimba bwaibwe obunene obubbaani; kuba ebyo n'ebibafunisa ebirungi mu bulamu era ni balya emere esinga bulungi.

Amateeka Agokubiri 32:27

Aye naatya nti abazigu baibwe ababakyagha baidha kwesuuta ebiziramu, bati beene n'ababaghangwire se ti nze Musengwa Katonda.’

Okwolekebwa 11:10

Abantu ab'oku nsi balisagamba baasangaala era baagheerezagania ebirabo olw'okufa kw'abalanzi abo bombi; kuba abo baaleetera abantu ab'oku nsi okudaagadaaga einho.

Abalamuzi 15:14

Bwe baamutuusa e Lehi, Abafilisiti baalumuka okuja y'ali nga baleekaana. Agho omwoyo gwa Musengwa Katonda gwamwidhaku n'amaani, emigugha egyali gimusibye amakono gyakutuka ng'oti n'ewuuzi edhookeibwa omuliro, n'ebifundwa ebyali bimusibye ku ngalo byalekula.

Abalamuzi 15:16

Yaakoba ati: “Eigumba ery'oluba lw'endogoyi ndiitiisa abasaadha lukumi (1,000), naababunga emungo n'eigumba ery'oluba lw'endogoyi.”

Abalamuzi 15:8

Agho yaabalumba n'amaani mangi, yaabaita inho. Olwo yaaja yaaba mu mpuku eri mu lwatika olw'olubaale, mu kiketezo eky'e Etamu.

Abalamuzi 16:25

Agho bwe baali nga bali kusagambya, baakoba bati: “Mwete Samusoni aidhe atusanhuseeku!” Kale baamuleeta okuva mu ikomera yaabasanhusa, baamwemereza ghagati gh'empango.

1 Samueli 31:9

Saulo baamutemaku omutwe, era baamuvaalulula eby'okulwanisa bye. Agho baatuma abakwenda woonawoona mu nsi y'Abafilisiti okutuusaayo amawulire ago, mu masabo ag'ebisinzibwa byaibwe ebitali Katonda era ni mu bantu boonaboona.