Abalamuzi 16:21 - Baibuli Ekibono kya Katonda 2014

²¹ Abafilisiti baamugema, baamutundulamu amaiso. Era baamutwala e Gaza, baamusibisa endhegere edh'ekyuma eky'ekikomo, baamuta ku mulimo ogw'okuseeranga ku lubengo mu ikomera.

Abalamuzi 16:21 ပူးပေါင်းရင်းမြစ်များ

2 Bakyabazinga 25:7

Baitira batabane be mu maiso ge ng'alingiriire ati. Era mwene baamutundulamu amaiso, baamusiba mu ndhegere, baamutwala e Babilonia.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

Zabbuli 149:8

Basibe bakyabazinga abamaghanga ago n'endhegere, n'abakungu baago babasibe n'empingu,

Okuvaayo 11:5

abaana abalenzi ababeri boonaboona ab'omu Misiri bafe: okuva ku muberi wo iwe kyabazinga oli ku kityamo eky'obwakyabazinga, okutuuka ku muberi ow'omwiru omukazi asa ku lubengo. Era n'ensolo dhaimwe dhoonadhoona enume edhaazaalibwa mu nzaalo edhaasooka, dhoona dhija kufa.

Ensambo 14:14

Omuntu omubi alifuna ebigwaniire ebikolwa bye ebibi, n'omulungi yaafuna ebigwaniire ebikolwa bye ebirungi.

Ensambo 2:19

Ezira aja wuwe n'avaayo, waire okwirayo okutambulira mu ngira emutuusa ku bulamu.

Ensambo 5:22

Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.

Isaia 47:2

Ja ku lubengo ogeme enso, ose ensaano. Weeghembule mu maiso ekitambaala, otoolemu ekivaalo kyo eky'oku ngulu, ofungize ku bikooyi byo, oje odooke emiiga osomoke.

Yeremia 39:7

Bwe yamala, yaalagira baatundulamu Zedekia amaiso era baamusiba ku ndhegere okumutwala e Babilonia.

Okulira 5:13

Bakaka abaisuka baife okusa ku mmengo, abalenzi abato baayuuga n'ebinhwa by'enku ebizito.

Okubala 16:14

Mu butuufu bwene tiwatuleeta mu nsi ngimu erimu birungi kamaala, era tiwatugha bibandha na masamba ga mizabbibu ni biba byaife ku bwaife. Aye oli kwenda kuziba bwa bantu bano maiso? Kale titwidha kwidha.”

Matayo 24:41

Ababiri abaliba basa ku lubengo, omulala alitwalibwa owundi yaalekebwa.

Abalamuzi 16:20

Era yaamukoba ati: “Samusoni, Abafilisiti bakugwireku!” Samusoni yaasitukagho mu ndoolo, yaakoba mule ati: “Ndidha kubeenhunhunkuzaaku nje, nga bwe mbairenga nkola ku mikuzi gire egindi.” Yali taidhi nga Musengwa Katonda amulekuliire agho.

Abalamuzi 16:22

Aye enviiri dhe dhaatoolera okwiraku okumera.