Abalamuzi 16:20 - Baibuli Ekibono kya Katonda 2014

²⁰ Era yaamukoba ati: “Samusoni, Abafilisiti bakugwireku!” Samusoni yaasitukagho mu ndoolo, yaakoba mule ati: “Ndidha kubeenhunhunkuzaaku nje, nga bwe mbairenga nkola ku mikuzi gire egindi.” Yali taidhi nga Musengwa Katonda amulekuliire agho.

Abalamuzi 16:20 ပူးပေါင်းရင်းမြစ်များ

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

Isaia 42:24

Naani eyaghaayo Abaisiraeli okunhagibwa? Naani eyalekulira baidhukulu ba Yakobo abo mu ngalo dh'abanhazi? Ti ni Musengwa Katonda mwene, ye twasungughaza nga tukola ebibi, ni tuloba okukola by'ayenda, era ni tudheemera amateeka ge?

Hosea 7:9

aye tibaidhi ng'okwetabula n'abamaghanga agandi kubaleetera okuwaamu amaani, n'eighanga lyaibwe lyatuuka ku kuzikirira.

Okubala 14:9

Kye mutagwaine kukola, n'okudheemera Musengwa Katonda. Mutatya bantu bale, kuba baidha kutwanguyira okughangula, ng'oti bwetwanguyirwa okulya emere. Ekibakuuma kibatooleibwaku, era Musengwa Katonda ali ku luuyi lwaife.”

Matayo 17:16

Namuleeta y'Abeegeresebwa bo aye tibaaghanga kumuwonia.”

Matayo 17:20

Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

2 Ab'e Korintho 3:5

Ife ku bwaife tuzira bughanzi butusobozesa kukola kintu kyonakyona, obughanzi bwaife buva wa Katonda.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Yoshua 7:12

Eyo n'ensonga lwaki buti tibasobola kulwanisa muzigu abalumbye. Bamulumuka bulumuke, kuba beene boona baafuuka ba kuzikiriza. Tikairayo kuba ku luuyi lwaimwe kabiri, okutoolaku nga muzikiriiza ebyo bye nabalagira okuzikiriza bye muli nabyo.

Abalamuzi 16:14

Kale Samusoni bweyali ng'ali kutenduka, Delila yaaluka emiganda omusanvu egy'enviiri ku mutwe gwa Samusoni oyo, era yaagikalanguza n'ekifundwa ekisibiirwa ku nkondo. Agho yaamukoba ati: “Samusoni Abafilisiti bakugwireku!” Aye Samusoni yaasitukagho mu ndoolo, yaasikula ekifundwa ekisibiirwa ku nkondo, enviiri dhaasimulukuka.

Abalamuzi 16:19

Delila yaatenduukiriza Samusoni ng'amuleze ku mubiri, era yaayeta omusaadha yaasala emiganda omusanvu egy'enviiri dha Samusoni. Agho Delila yaatoolera okumudaazadaaza, amaani gaamuvaamu.

Abalamuzi 16:21

Abafilisiti baamugema, baamutundulamu amaiso. Era baamutwala e Gaza, baamusibisa endhegere edh'ekyuma eky'ekikomo, baamuta ku mulimo ogw'okuseeranga ku lubengo mu ikomera.

Abalamuzi 16:3

Aye Samusoni yalambaalaku kutuusa bwa mu bwire ghagati wonka. Yaasituka, yaagema endhigi edh'omulyango ogwingira mu kibuga n'emyango gyaku gyombi, yaadhikuukulagho n'ebisiba byaku n'ebidhiriku ebindi byonabyona. Olwo yaabbeedera endhigi edho ku mabega, yaadhitwala ku ntwiko y'olusozi olulingiriire Heburoni.

Abalamuzi 16:9

Delila oyo era yaliyo n'abasaadha nga bateeze mu kisenge eky'omunda. Agho yaaleekaana yaamukoba ati: “Samusoni, Abafilisiti bakugwireku!” Aye Samusoni yaakutula obugugha ng'oti n'ewuuzi bwe dhikutuka ng'omuliro gudhigemye. Kale, ekyama ekigema ku maani ge kyasigala nga kikaali kumanhibwa.

1 Samueli 16:14

Agho omwoyo gwa Musengwa Katonda gwava ku Saulo. Era Musengwa Katonda oyo yaasindika omuzimu omubi gwadaazadaaza Saulo ebitaloodheka.

1 Samueli 18:10

Ku lunaku olwairirira, omuzimu omubi Katonda gwe yasindika, gwaidha ku Saulo yaatawukira mu ndhu ye. Daudi yali ali kumukubira endingidi nga bwe yakolanga buli lunaku. Saulo yali agemye eifumo.

1 Samueli 18:12

Saulo yaatya Daudi, kuba Musengwa Katonda yali ng'ali ni Daudi oyo, aye ng'aviire ku Saulo.