Abalamuzi 16:2 - Baibuli Ekibono kya Katonda 2014

² Abantu ab'e Gaza baamanha ng'ali eyo. Kale baazingiza ekifo ekyo okukyezunguluza, era baamweteega ku mulyango gw'ekibuga obwire bwonabwona ng'abasiriikiriire, baakoba mule bati: “Obwire ka bukye memale tumwite.”

Abalamuzi 16:2 ပူးပေါင်းရင်းမြစ်များ

Matayo 21:38

Aye olwabona omwana, nga beekoba bati, ‘Ono n'omusika, mukole tumwite obusika bube bwaife.’

Matayo 27:1

Obwire bwe bwakya, Bakabona Abakulu boonaboona n'abakulu ab'ebika baateesa ensambo ey'okwitamu Yesu.

Luka 21:20

“Aye bwe mubonanga ab'amagye nga bali agho beezungulwire Yerusalemu, ng'olwo mumanha muti okuzikirizibwa kwakyo kutuuse.

Ebikolwa by'Abatume 23:15

Mperaano imwe n'olwekobaano, mutume y'omukulu ow'abaisirukale amubaleetere nga mwefuula ng'abenda okwongera okwetegereza ebimugemaku. Ife tumaliriire okumwita ng'akaali kubatuukaku.”

Ebikolwa by'Abatume 9:24

aye Saulo yaamanha olukwe lwaibwe. Omusana n'obwire baamweteega ku miryango egingira mu kibuga, bamwite.

Abalamuzi 15:18

Agho endiwo yaagema Samusoni, yaayeta Musengwa Katonda ati: “Ompaire obughanguzi buno obw'amaani. Aye obwo mpegaano nfe endiwo, era abo abatali bakekete bangeme?”

Abalamuzi 16:3

Aye Samusoni yalambaalaku kutuusa bwa mu bwire ghagati wonka. Yaasituka, yaagema endhigi edh'omulyango ogwingira mu kibuga n'emyango gyaku gyombi, yaadhikuukulagho n'ebisiba byaku n'ebidhiriku ebindi byonabyona. Olwo yaabbeedera endhigi edho ku mabega, yaadhitwala ku ntwiko y'olusozi olulingiriire Heburoni.

1 Samueli 19:11

Obwire obwo, Saulo yaasindika abakwenda ku ndhu ya Daudi, bamweteege bamwite enkyo ku nkyo. Aye Mikali muka Daudi oyo yaamulabula ati: “Bw'otaalumuke bwire buno kuwonia bulamu bwo, enkyo baidha kukwita.”

1 Samueli 23:26

Saulo yaaja ku luuyi olundi olw'olusozi, ate Daudi n'abasaadha be baaba ku luuyi olundi, nga bali kwangugha okuvaagho kuba Saulo n'abasaadha be baali bazingiiza Daudi n'abasaadha be ku ndhuyi dhoonadhoona.