Abalamuzi 16:18 - Baibuli Ekibono kya Katonda 2014

¹⁸ Delila bwe yabona nga Samusoni amaze okumukobera byonabyona, yaatuma y'abakungu b'Abafilisiti okubeeta, ng'akoba ati: “Mwire ku mukuzi guno gwonka, kuba ankobeire byonabyona.” Agho baidha y'ali nga n'empiiya bali nadho mu ngalo.

Abalamuzi 16:18 ပူးပေါင်းရင်းမြစ်များ

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

Zabbuli 62:9

Abantu abayabayaba bali ng'oti muuka gwa mu nhindo; ate abantu abakologho biwooboloolo, boonaboona bw'obata ku minzaani teika, eja bwa ghaigulu; bagheghere okusinga omuuka ogw'omu nhindo.

Ensambo 18:8

Ebibono eby'omuntu ow'olubono biri ng'oti mere ewooma einho, biika byatuukira irala mu nda.

Okubala 22:7

Kale abakulembeze b'e Moabu n'abakulembeze b'e Midia baaja, nga beetwise eby'okusasula Balaamu olw'okukolima. Bwe baatuuka ye Balaamu baamugha obukwenda Balaki bwe yabatuma.

Matayo 26:15

yaabakoba ati: “Munampaamu ki nze mmubagemye?” Baamugha ebitundu bya feeza amakumi asatu.

Ab'Efeso 5:5

Mumanhire irala kino muti omwenzi, omudankaanu, oba ali n'okwegomba okubi, azira mugabo mu Bwakyabazinga bwa Kurisito era obwa Katonda; kuba okwegomba okubi kwona kuba kusinza bitali Katonda.

1 Timotheo 6:10

Kuba okwenda einho empiiya, n'ekikolo okusibuka ebibi byonabyona. Era okuba n'amairu gaadho amangi kuleeteire abandi okudaaliima n'okuva ku kwikiriza, beereetera okudaagadaaga okw'amaani.

Abalamuzi 16:17

Kale yaamukobera byonabyona, ati: “Tibansalangaku nviiri ku mutwe, kuba ndi Munaziri okuviira irala mu nda ya maama. Enviiri dhange bwe badhisalaku, amaani gange ganvaaku, naaba munafu ng'oti n'omuntu owundi yeenayeena.”

Abalamuzi 16:19

Delila yaatenduukiriza Samusoni ng'amuleze ku mubiri, era yaayeta omusaadha yaasala emiganda omusanvu egy'enviiri dha Samusoni. Agho Delila yaatoolera okumudaazadaaza, amaani gaamuvaamu.

Abalamuzi 16:5

Agho abakungu b'Abafilisiti baaja y'omukazi oyo, baamukoba bati: “Musendesende omanhe amaani ge amangi ghe gamuva, n'ensambo yetughanga okumugemamu ni tumusiba, amaani ago ni gamuwa. Olwo buli muntu ku ife aidha kukugha ebitundu bya feeza lukumi na kikumi (1,100) .”