Abalamuzi 16:10 - Baibuli Ekibono kya Katonda 2014

¹⁰ Delila yaakoba Samusoni ati: “Bona, oli kumbuzaabuza, waaloba kunkobera kituufu. Nkweghembye nkobera ole bw'aghanga okukusiba.”

Abalamuzi 16:10 ပူးပေါင်းရင်းမြစ်များ

Nehemia 6:4

Bampeereza obwo batyo emikuzi ena, era zeena nga mbairamu mu nsambo n'endala.

Ensambo 24:28

Otaghanga budhulizi ku muntu ng'ozira nsonga ntuufu, era otayogeranga bya buguya.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Luka 22:48

Aye Yesu yaamukoba ati: “Yuda oli kughaayo Omwana w'Omuntu ng'omugwa mu kifuba?”

Abalamuzi 16:11

Samusoni yaamukoba ati: “Bwe bansibisa emigugha emiyaaka egitakozesebwangaku, mba munafu ng'oti n'omuntu owundi yeenayeena.”

Abalamuzi 16:13

Delila yaakoba Samusoni ati: “N'okutuusa buti oli kumbuzaabuza, waaloba kunkobera kituufu. Nkobera ole bw'aghanga okukusiba.” Yaamukoba ati: “Bw'oluka emiganda omusanvu egy'enviiri dhange ku mutwe, n'ogikalanguza n'ekifundwa ekisibiirwa ku nkondo, mba munafu ng'oti n'omuntu owundi yeenayeena.”

Abalamuzi 16:7

Samusoni yairamu ati: “Bwe bansibisa obugugha obuyaaka omusanvu obw'akalaso, obukaali kukala, mba munafu ng'oti n'omuntu owundi yeenayeena.”

Abalamuzi 16:9

Delila oyo era yaliyo n'abasaadha nga bateeze mu kisenge eky'omunda. Agho yaaleekaana yaamukoba ati: “Samusoni, Abafilisiti bakugwireku!” Aye Samusoni yaakutula obugugha ng'oti n'ewuuzi bwe dhikutuka ng'omuliro gudhigemye. Kale, ekyama ekigema ku maani ge kyasigala nga kikaali kumanhibwa.