Abalamuzi 15:7 - Baibuli Ekibono kya Katonda 2014

⁷ Samusoni yaakoba ati: “Mutyo bwe mukoze? Ndayira nti ndidha kumala kubeesasuulizaaku, memale ngolole.”

Abalamuzi 15:7 ပူးပေါင်းရင်းမြစ်များ

Ab'e Roma 12:19

Aboluganda, muteesasuulizanga ku muntu. Muleke Katonda mwene yeesasuuzenga, kuba kyaghandiikibwa kiti: “Okulwana enzigu kwange; ndyesasuuza, Musengwa atyo bw'akoba.”

Abalamuzi 14:19

Agho omwoyo gwa Musengwa Katonda gwamwidhaku n'amaani, yaaserengeta mu Ashikeloni, yaitayo abasaadha amakumi asatu, yaabanhagaku ebintu byaibwe, ebivaalo byaibwe eby'oku mbaga yaabitwalira abasaadha abaita ekikoiko kye. Olwo yairayo mu maka ga ise ng'aliku obusungu obubitirivu.

Abalamuzi 14:4

Aye ise n'inhina baali tibaidhi nga Musengwa Katonda n'eyasindika Samusoni okukola ekyo kuba Musengwa Katonda oyo yali ali kunoonia ensonga ey'okuvaaku okulwanisa Abafilisiti. Mu biseera ebyo, Abafilisiti n'abaafuganga Isiraeli.

Abalamuzi 15:6

Agho Abafilisiti beebuuza bati: “Naani akoze kino?” Baabakoba bati: “Samusoni mukoirume w'omusaadha ow'e Timuna, n'akoze ekyo kuba omusaadha oyo yatoola muka Samusoni oyo, yaamugha mwine wa Samusoni.” Agho Abafilisiti baaja baayokya omukazi oyo n'ab'omu ndhu ya ise.

Abalamuzi 15:8

Agho yaabalumba n'amaani mangi, yaabaita inho. Olwo yaaja yaaba mu mpuku eri mu lwatika olw'olubaale, mu kiketezo eky'e Etamu.