Abalamuzi 15:19 - Baibuli Ekibono kya Katonda 2014

¹⁹ Agho Musengwa Katonda yaatuna ekituli eyo e Lehi, mwavaamu amaadhi. Samusoni bwe yamala okunhwa, yairamu obulamu n'amaani. Ensulo eyo baagituuma eriina Enihakkore. Era ekaaliyo e Lehi n'okutuusa mpegaano.

Abalamuzi 15:19 ပူးပေါင်းရင်းမြစ်များ

Amainhama 16:13

Hagari yaayeta Musengwa Katonda eyali ayogeire naye ati ni “Katonda abona.” Yeebuuza mule ati: “Obwo bwenebwene mboine Katonda era naasigala nga nkaali mulamu?”

Amainhama 28:19

Yaatuuma ekifo ekyo eriina Betheli. Aye ng'ekibuga ky'eyo mu kusooka kyali kyetebwa Luzi.

Amainhama 30:30

Kuba wali na bitono nga nkaali kwidha, aye mpegaano byeyongeire inho, era Musengwa Katonda yakugha enkabi ku lwange. Aye olwo mpegaano nze ndifuna li zeena eby'amaka agange.”

Amainhama 45:27

Aye bwe baamughayira ebyo byonabyona Yosefu bye yabakoba, era n'abona ebigaali eby'okutambuliraku Yosefu bye yasindika okumutwaliraku, yairamu omwoyo.

Zabbuli 110:7

Kyabazinga alinhwa amaadhi ag'omu kaiga akali ku ngira, olwo yaatambula n'obughanguzi nga mugumu.

Zabbuli 120:1

Bwe nali mu kabi nalirira Musengwa Katonda ampulire antoole mu kabi ako.

Zabbuli 34:6

Omuntu omunaku Musengwa Katonda amuwulira yaamuwonia, yaatoolagho ebizibu bye byonabyona.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Okuvaayo 17:15

Musa yaazimba alutaari yaagituuma eriina “Musengwa Katonda ni bendera yange.”

Isaia 40:26

Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.

Isaia 40:29

Abo abakooye abaizaamu amaani, n'abanafu yaabongeramu amaani.

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Okubala 20:11

Era Musa yaagalula omukono yaakuba olubaale emikuzi ebiri n'omwigo gwe. Amaadhi amangi einho gaava mu lubaale olwo, abantu baanhwa n'ebyayo byaibwe.

Abalamuzi 15:9

Agho Abafilisiti baaja, baasimba weema dhaibwe mu Buyudaaya, era baalumba ekibuga Lehi.

1 Samueli 30:12

Baamugha n'ekitole ky'ebibala ebikaziibwa eby'emitiini, era n'obufaaganda obw'emizabbibu obukaziibwa bubiri. Bwe yamala okulya yairamu amaani, kuba yali amaze enaku isatu, omusana n'obwire, nga talya ku mere waire okunhwa ku maadhi.