Abalamuzi 15:15 - Baibuli Ekibono kya Katonda 2014

¹⁵ Agho Samusoni yaabona eigumba ery'oluba olw'endogoyi eyali yaakafa nga liri agho, yaalironda, yaaliitisa abasaadha lukumi (1,000).

Abalamuzi 15:15 ပူးပေါင်းရင်းမြစ်များ

2 Samueli 23:8

Gano n'amaina ag'abalwani ab'amaani Daudi be yali nabo: Asooka nga ni Yoshebu Basshebethi ow'e Tahakemoni n'eyali ng'akulira abasatu ab'amaani. Ono ghaligho omukuzi gwe yalwanisa eifumo lye n'abalwani olunaana (800), yaabaita boonaboona.

Abalevi 26:7

Mwidha kughangulanga abazigu baimwe.

Abalevi 26:8

Abataanu ku imwe baidha kughangulanga ekikumi, n'ekikumi ku imwe baidha kughangulanga omutwalo omulamba. Mu lutalo, abazigu baimwe munaabaitanga mwabamaliriragho.

Abaheburayi 11:34

baazikiza omuliro ogw'amaani, era baawona okwitibwa n'empiima. Baafuna amaani okuva mu bunafu, baafuuka balwani ba ntalo abaziramu ntete, era baabinga amagye ag'abavaghala,

Yoshua 23:10

Omuntu yeenayeena ku imwe, asobola okuleetera abantu olukumi (1,000) okulumukagho. Kuba Musengwa Katonda waimwe n'abalwaniragho entalo dhaimwe, nga bwe yabasuubiza.

Abalamuzi 15:16

Yaakoba ati: “Eigumba ery'oluba lw'endogoyi ndiitiisa abasaadha lukumi (1,000), naababunga emungo n'eigumba ery'oluba lw'endogoyi.”

Abalamuzi 15:17

Bwe yamala okwogera, yaasuula eigumba eryo ery'oluba olw'endogoyi. Ekifo ekyo kyatuumibwa eriina Ramathi Lehi.

Abalamuzi 3:31

Omukulembeze eyairaku, yali ng'ayetebwa Shamugari, nga mutabane wa Anathi. Yeena yanunula Isiraeli bwe yaita Abafilisiti olukaaga (600) ng'akozesa oluti olusongovu lwe bakozesa okusindiikiriza ente okutambula.

Abalamuzi 4:21

Aye Yaeli yaagema enkondo ey'eweema n'enhundo, yaaseeta y'ali ng'adhooma, yaamukomerera enkondo eyo mu kyeni, yabitamu yaatuuka ni ku itaka. Mu nsambo eyo Sisera yaafa.

Abalamuzi 7:16

Agho yaagabaniamu abasaadha be ebikumi ebisatu (300) mu bikunsu bisatu. Kiisi musaadha yaamugemya eigwala n'ensuwa enkalu, ng'erimu engada edhiri kwaka.

1 Samueli 14:14

Ku mukuzi ogwo ogwasooka, Yonathani n'eyamugemerangaku eby'okulwanisa baita abantu ng'oti makumi abiri mu kiketezo ekigheza ekitundu ky'eyiika.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”