Abalamuzi 15:14 - Baibuli Ekibono kya Katonda 2014

¹⁴ Bwe baamutuusa e Lehi, Abafilisiti baalumuka okuja y'ali nga baleekaana. Agho omwoyo gwa Musengwa Katonda gwamwidhaku n'amaani, emigugha egyali gimusibye amakono gyakutuka ng'oti n'ewuuzi edhookeibwa omuliro, n'ebifundwa ebyali bimusibye ku ngalo byalekula.

Abalamuzi 15:14 ပူးပေါင်းရင်းမြစ်များ

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Zabbuli 118:11

Baali nga baneezungulwire ku buli luuyi, aye olw'amaani ga Musengwa Katonda boonaboona naabamulungula!

Zabbuli 18:34

Andhegeresa okulwana entalo, naasobola okukozesa akalaso kale keene ak'ekyuma eky'ekikomo.

Okuvaayo 14:3

Nhenda kyabazinga alowooze ati, ‘Buti Abaisiraeli amagezi gabeesibye bazira ghe baja, eirungu tiriri kubaganha kuja mberi.’

Okuvaayo 14:5

Abantu bwe baakobera kyabazinga ow'e Misiri bati Abaisiraeli beibyegho, kyabazinga oyo n'abakungu be baakyusa emyoyo gyaibwe, baawulira nga babaire bakeetaaga Abaisiraeli, n'okukoba bati: “Tukoze ki kino? Tulese Abaisiraeli baatweibaku, baalekera okuba abairu baife?”

Mika 7:8

Abazigu baife, mulobe kutusekerera mbu kuba tugwire. Tuja kusituka! Waire tuli mu nzikiiza buti, Musengwa Katonda aidha kutugha obutangaavu.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Ab'e Filippi 4:3

Era weena mukozi munange omwesigwa nkweghemba oyambe abakazi abo, kuba baakola inho ninze mu kusansaania Amawulire Amalungi. Era nga batyo bwe baali ni Kelementi, era ni bakozi banange abandi, beene maina agali mu kitabo kya Katonda eky'obulamu.

Abalamuzi 14:19

Agho omwoyo gwa Musengwa Katonda gwamwidhaku n'amaani, yaaserengeta mu Ashikeloni, yaitayo abasaadha amakumi asatu, yaabanhagaku ebintu byaibwe, ebivaalo byaibwe eby'oku mbaga yaabitwalira abasaadha abaita ekikoiko kye. Olwo yairayo mu maka ga ise ng'aliku obusungu obubitirivu.

Abalamuzi 14:6

Agho omwoyo gwa Musengwa Katonda gwamugha amaani, yaagiyuzaamu ghabiri ng'azira ky'akozeisa mu ngalo dhe, ng'oti n'omuntu bw'ayuzaamu embuzi ento. Aye yaaloba kukobera bazaire be ky'akoze.

Abalamuzi 15:13

Baakoba bati: “Tuja kukusiba busibe, tukugheeyo ye bali, aye tituja kukwita.” Kale baamusiba emigugha ebiri emiyaaka, baamutoolayo mu lubaale.

Abalamuzi 15:9

Agho Abafilisiti baaja, baasimba weema dhaibwe mu Buyudaaya, era baalumba ekibuga Lehi.

Abalamuzi 16:12

Kale Delila yaagema emigugha emiyaaka, yaamusiba, yaamukoba ati: “Samusoni, Abafilisiti bakugwireku!” Abasaadha abaali nga beeteeze, baali mu kisenge eky'omunda. Aye Samusoni yaakutula emigugha ku mikono gye ng'oti wuuzi buwuuzi.

Abalamuzi 16:24

Abantu bwe baamubona baasaaka omusambwa gwaibwe bati: “Omusambwa gwaife gutughaire okughangula omuzigu waife, eyaitaitana ensi yaife era n'atwitaku abantu kamaala.”

Abalamuzi 16:9

Delila oyo era yaliyo n'abasaadha nga bateeze mu kisenge eky'omunda. Agho yaaleekaana yaamukoba ati: “Samusoni, Abafilisiti bakugwireku!” Aye Samusoni yaakutula obugugha ng'oti n'ewuuzi bwe dhikutuka ng'omuliro gudhigemye. Kale, ekyama ekigema ku maani ge kyasigala nga kikaali kumanhibwa.

Abalamuzi 3:10

Omwoyo gwa Musengwa Katonda gwaidha ku Othinieli, yaakulembera Abaisiraeli. Yaaja okulwana olutalo ni kyabazinga Kushani Rishathaimu ow'e Mesopotamia, era Musengwa Katonda yaaleetera Othinieli oyo okughangula.

Abalamuzi 5:30

“Bakaayagaaza munhago, na ngeri yakugugabanamu: kiisi musaadha afuneku omughala mulala oba babiri, engoye enungi dha Sisera, zeena nfuneyo ebinhere eby'omu nkoto ebidholige.”

1 Samueli 10:10

Agho Saulo n'omugheereza we bwe baatuuka ku lusozi lwa Katonda, ekikunsu ky'abalanzi kyayagaanana nabo. Omwoyo gwa Katonda gwamwidhaku n'amaani mangi, era yaalanga ghalala nabo.

1 Samueli 10:6

Agho omwoyo gwa Musengwa Katonda gwidha kukwidhaku n'amaani mangi, ofuuke muntu wundi era olange ghalala nabo.

1 Samueli 11:6

Saulo bwe yawulira ebibono ebyo, omwoyo gwa Katonda gwamwidhaku n'amaani, obusungu bwe bwatumbuka ng'oti muliro.

1 Samueli 17:35

nga ngibingirira, naaja naagirwanisa, naagigisuuza. Era ensolo eyo nga bw'esituka okuunwanisa, nga ngigema akalevu, n'agikuba naagiita.

1 Samueli 4:5

Esanduuku y'Endagaano ya Musengwa Katonda bwe yatuuka mu kifo Abaisiraeli ghe baasimba weema dhaibwe, Abaisiraeli boonaboona bakuba emizira egy'amaani, n'ensi yaatengeeta.