Abalamuzi 15:11 - Baibuli Ekibono kya Katonda 2014

¹¹ Agho abasaadha enkumi isatu (3,000) ab'e Buyudaaya, baaja ku mpuku eri mu lwatika olw'olubaale, mu kiketezo eky'e Etamu. Baakoba Samusoni bati: “Toidhi ng'Abafilisiti n'abatufuga? Kale kiki kino ky'otukoze?” Yaabairamu ati: “Abo nabakola nga beene bwe bankola.”

Abalamuzi 15:11 ပူးပေါင်းရင်းမြစ်များ

1 Ebyomubyanda 4:3

Etamu yaazaala abaana abalenzi basatu: Yezireeli, Ishima, ni Idibbashi. Era yaazaala n'omwana omughala mulala, nga ni Hazzeleliponi.

Abalevi 26:25

Ndidha kubaleeteranga entalo okubabonereza olw'okumenha endagaano yange n'imwe. Era bwe muneesololezanga aghalala mu bibuga byaimwe okwewonia, ndidha kubasindikangamu obulwaire obubi, muwalirizibwenga okweghaayo eri abazigu baimwe.

Amateeka Agokubiri 28:13

Musengwa Katonda aidha kubafuulanga bakulemberamu, se ti abasembayo. Mwidha kweyongeranga ghaigulu se ti kwika ghansi, kasita munaawuliranga ebiragiro bye byonabyona bye ndi kubagha olwaleero, ni mubikuuma era ni mubituukiriza.

Amateeka Agokubiri 28:43

“Abasenze ababa mu nsi yaimwe baidha kweyongeranga okukulankulana okusinga imwe, aye nga imwe mweyongera bwa kuba bubi.

Abalamuzi 13:1

Agho Abaisiraeli kabiri baayonoona ye Musengwa Katonda. Musengwa Katonda yaabaleka okufugibwa Abafilisiti okumala emyaka amakumi ana.

Abalamuzi 14:4

Aye ise n'inhina baali tibaidhi nga Musengwa Katonda n'eyasindika Samusoni okukola ekyo kuba Musengwa Katonda oyo yali ali kunoonia ensonga ey'okuvaaku okulwanisa Abafilisiti. Mu biseera ebyo, Abafilisiti n'abaafuganga Isiraeli.

Abalamuzi 15:10

Abantu ab'omu Buyudaaya baababuuza bati: “Lwaki mwidhie okutulumba?” Baabairamu bati: “Twidhie okugema Samusoni tumusibe, olwo tumukole nga mwene bwe yatukola.”

Abalamuzi 15:12

Baamukoba bati: “Twidhie kukusiba, tukugheeyo ye bali.” Samusoni yaabakoba ati: “Mulayire muti timwidha kundhita imwe beene.”