Abalamuzi 14:9 - Baibuli Ekibono kya Katonda 2014

⁹ Agho yaakaagha omudheenene ogwo n'engalo dhe, yaajanga ng'alya bw'atambula. Yaaja ye ise n'inhina, yaabaghaaku baalya. Aye yaaloba kubakobera ng'omudheenene ogwo agutoire mu mulambo ogw'empologoma.

Abalamuzi 14:9 ပူးပေါင်းရင်းမြစ်များ

Ensambo 24:13

Mwana wange, lyanga ku mudheenene ogw'endhuki, kuba mulungi. Nga bwe gudhuudhuula ku lulimi lwo, nga guva mu bisasala byagwo,

Ensambo 25:15

Omuguminkiriza aikirizisa omufuzi okukola ekintu, n'olulimi olw'okwewooya lwaghangula ebizibu.

Abalamuzi 14:10

Ise yaaja mu maka g'omughala, era Samusoni yaakolerayo embaga, kuba abaisuka abaabayizanga, batyo bwe baakolanga.

Abalamuzi 14:8

Nga ghabiseeghooku enaku, yairayo okuleeta omughala amubayize. Agho yaagonhokaku katono okuva ku ngira, aje abone empologoma ye yaita. Okuja okubona ati, nga mu mulambo gwayo mulimu omuzinga gw'endhuki n'omudheenene gwadho.

1 Samueli 10:16

Saulo yaakoba muganda wa lata we ati: “Yatukakaisa ati bwenebwene endogoyi dhaaboneike.” Aye tiyamukoberaku naire ku bigema ku bwakyabazinga, Samueli bye yayogera.

1 Samueli 14:1

Lwali lulala, Yonathani mutabane wa Saulo yaakoba omwisuka eyamugemeranga eby'okulwanisa ati: “Idha tuje mu nkambi y'abalwani Abafilisiti.” Aye tiyakoberaku lata we Saulo.