Abalamuzi 14:3 - Baibuli Ekibono kya Katonda 2014

³ Aye ise n'inhina baamubuuza bati: “Lwaki oyenda okubayiza omukazi mu Bafilisiti abatali bakekete? Toghanga kufuna mukazi mu batuliku luganda, oba mu bantu baife boonaboona?” Aye Samusoni yaakoba ise ati: “Nfunira oyo, kuba ye nsiimye.”

Abalamuzi 14:3 ပူးပေါင်းရင်းမြစ်များ

Amainhama 13:8

Agho Aburamu yaakoba Loti ati: “Nze n'iwe tuli baaluganda. Ka tulobe kusoola, oba waire abaayi abange okusoola n'ababo.

Amainhama 21:27

Aburahamu yaatoola entaama n'ente, yaadhigha Abimeleki; bombi baakola endagaano.

Amainhama 34:14

Baakoba bati: “Titusobola kukola ekyo: okugha mwanhinaife omusaadha atali mukekete, kuba ekyo kiba nga kitunhoomoola inho.

2 Samueli 1:20

Mutakikoberaku bantu b'e Gathi, waire okukisansaania mu nguudo edh'e Ashikeloni; kuba mwidha kuleetera baghala b'Abafilisiti okusagamba, olwo muleetere baghala b'abantu abo abatali bakekete okutuumira ghaigulu olw'eisanhu.

Yoshua 23:12

“Bwemutaliba beesigwa eri Musengwa Katonda, aye ni musalagho okukolagana n'abantu abo abanaasigalanga mu biketezo bye tuja okunhaga, ni mubayiza baghala baibwe, era boona ni mubaganha babayize baghala baimwe,

Abalamuzi 14:2

Bwe yamala okumubona, yairayo eka, yaakoba ise n'inhina ati: “Mboine omughala Omufilisiti e Timuna. Kale mumunfunire mmubayize.”

Abalamuzi 15:18

Agho endiwo yaagema Samusoni, yaayeta Musengwa Katonda ati: “Ompaire obughanguzi buno obw'amaani. Aye obwo mpegaano nfe endiwo, era abo abatali bakekete bangeme?”

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”

1 Samueli 31:4

Agho Saulo yaakoba eyamugemeranga eby'okulwanisa ati: “Sowolayo empiima yo onfumite, abo abatali bakekete balobe kwidha kunfumita na kuneesanhukizaaku.” Aye eyamugemeranga eby'okulwanisa yaaloba kumufumita olw'okutya einho. Kale Saulo mwene yaasowolayo empiima eyiye, yaagyetungaku.