Abalamuzi 14:20 - Baibuli Ekibono kya Katonda 2014

²⁰ Agho baatoola muka Samusoni baamugha omusaadha, mwine wa Samusoni, eyalabirira Samusoni oyo ku mbaga.

Abalamuzi 14:20 ပူးပေါင်းရင်းမြစ်များ

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Yeremia 9:5

Buli muntu aguya mwine, ezira ayogera bya mazima. Baanalirira kwogera bya buguya byereere, era tibalekera kwonoona ni beenenia.

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Yoanne 3:29

Omugole aba w'oyo amubayiiza. Mukagwa w'oyo abayiiza bw'ayemerera n'awulira eiroboozi ly'oyo abayiiza asangaala. Kale ni eisanhu lyange lituukiriire.

Abalamuzi 15:2

ng'amukoba ati: “Nze nadhuuba nti bwenebwene wamukyayira irala. Kale ni, n'okumugha mwino. Aye muganda we omuto n'amusinga obulungi. Nkweghemba oyo y'obe otwale mu kifo ky'ole.”

Abalamuzi 15:6

Agho Abafilisiti beebuuza bati: “Naani akoze kino?” Baabakoba bati: “Samusoni mukoirume w'omusaadha ow'e Timuna, n'akoze ekyo kuba omusaadha oyo yatoola muka Samusoni oyo, yaamugha mwine wa Samusoni.” Agho Abafilisiti baaja baayokya omukazi oyo n'ab'omu ndhu ya ise.

1 Samueli 18:19

Aye ekiseera bwe kyatuuka eky'okugha Daudi Merabu amufumbirwe, ate Merabu oyo baamugha Adirieli ow'e Mehola, n'abe amufumbirwe.