Abalamuzi 14:17 - Baibuli Ekibono kya Katonda 2014

¹⁷ Omukazi yaamuliriranga olw'ekyo buli lunaku, okumalaku enaku omusanvu edh'embaga. Aye ku lunaku olwomusanvu yaamukobera, kuba yamudeeberera inho. Omukazi yaakobera ab'eighanga lye.

Abalamuzi 14:17 ပူးပေါင်းရင်းမြစ်များ

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Yobu 2:9

Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Ensambo 7:21

Agho omukazi yaakozesa ebibono ebisendasenda yaikirizisa omwisuka, era yaakozesa olulimi olw'okwewooya, yaamughangula.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Luka 11:8

Ka mbakobere: Waire nga tasituka kumugha olw'okuba mukagwa we, asituka yaamugha kyonakyona ky'ayenda olw'okumudeeba.

Abalamuzi 14:16

Muka Samusoni yaaja ye iba ng'ali kulira, yaakoba ati: “Iwe toonhenda, onkyaye bukyaghe! Wagha ab'eighanga lyange ekikoiko, waaloba ku nkobera kye kitegeeza!” Iba yaamukoba ati: “Bona, tyakobera ni bw'aba lata oba maama, obwo iwe ye nnaakobera?”

Abalamuzi 14:18

Agho ku lunaku olwomusanvu, abasaadha ab'omu kibuga baakoba Samusoni ng'endhuba ekaali kugwa, bati: “Eriyo ekisinga omudheenene gw'endhuki okudhuudhuula? Eriyo ekisinga empologoma amaani?” Samusoni yaabairamu ati: “Ngoli timwalimisa nte yange, timwandighanze kwita kikoiko kyange.”

Abalamuzi 16:13

Delila yaakoba Samusoni ati: “N'okutuusa buti oli kumbuzaabuza, waaloba kunkobera kituufu. Nkobera ole bw'aghanga okukusiba.” Yaamukoba ati: “Bw'oluka emiganda omusanvu egy'enviiri dhange ku mutwe, n'ogikalanguza n'ekifundwa ekisibiirwa ku nkondo, mba munafu ng'oti n'omuntu owundi yeenayeena.”

Abalamuzi 16:16

Delila oyo yaamudeebanga buli lunaku ng'amubuuza, okutuusa Samusoni lwe yeesinwa ekibitiriire.

Abalamuzi 16:6

Agho Delila yaaja, yaakoba Samusoni ati: “Nkweghembye nkobera amaani go amangi ghe gakuva, n'engeri ole y'asobola okukugemamu n'akusiba, amaani ago ni gakuwaamu.”