Abalamuzi 14:14 - Baibuli Ekibono kya Katonda 2014

¹⁴ Agho yaakoba ati: “Mu kintu ekirya, mwavaamu eky'okulya. Mu kintu eky'amaani, mwavaamu ekidhuudhuula!” Enaku isatu dhaabitagho nga bakaalemereirwa okwita ekikoiko ekyo.

Abalamuzi 14:14 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

1 Bakyabazinga 17:6

Amakoova gaamuleeteranga emere n'emamba enkyo n'eigulo, era yaanhwanga amaadhi mu kaiga ako.

2 Ebyomubyanda 20:2

Ghaidhagho abakwenda baakoba Yehoshafati bati: “Eigye einene liidhie okukulumba nga liva mu Edomu, ere ng'osomoike Enhandha Eyomuunhu. Era mpegaano liri Hazazoni Tamari ekyo era nga n'ekiketezo ekyetebwa Engedi.”

2 Ebyomubyanda 20:25

Yehoshafati n'abantu be bwe baajaayo okutoolayo omunhago, baayagaanayo eby'obukombe kamaala, n'engoye, n'ebintu eby'omughendo, baatwalaku bye baasobola, ebindi byabalemeragho. Baamala enaku isatu nga bakaasomba omunhago ogwo, kuba gwali mungi.

Ensambo 24:7

Amagezi gaswikiriire inho okutegeera okw'omusiru, era azira ky'ayogera nga bali mu kifo eky'olwekobaano.

Matayo 13:11

Yaabairamu ati: “Kuba imwe mwagheebwa okumanha ebyama eby'Obwakyabazinga obw'omu igulu, aye abo tibagheebwanga.

Ebikolwa by'Abatume 8:31

Omwethiopia yaamwiramu ati: “Mpanga ntya okubitegeera, okutoolaku nga ghaligho abiinhinhongoire?” Agho yaasaba Filipo aniine atyame naye mu kigaali.

Ab'e Roma 8:37

Aye mu ebyo byonabyona tughangulira irala ku lw'oyo eyatugonza

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

Abalamuzi 14:13

Aye bwe munaalemwa okukiita, niimwe omwidha okumpa engoye empegheevu amakumi asatu n'ebivaalo eby'oku mbaga amakumi asatu.” Bale baamukoba bati: “Tughe ekikoiko kyo tukiwulire.”

Abalamuzi 14:15

Ku lunaku olwokuna, baakoba muka Samusoni bati: “Sendasenda balo atwitire ekikoiko ekyo. Bw'otaakole otyo, twidha kukwokya iwe n'ab'endhu ya lata wo. Mwatweta okwidha ghano, kutwavughaza?”