Abalamuzi 13:6 - Baibuli Ekibono kya Katonda 2014

⁶ Agho omukazi yaaja, yaakobera iba ati: “Omuntu wa Katonda aidhie ye ndi, ng'amaiso ge gatiisa inho ng'oti ga malaika wa Katonda. Timubuuziiza y'aviiriire, era tankobeire liina lye.

Abalamuzi 13:6 ပူးပေါင်းရင်းမြစ်များ

Amainhama 18:2

Bwe yalinga ati, yaabona abasaadha basatu nga beemereire agho. Era olwababona ati, yaayangughaku okuja okubasangaaza. Agho yaakutama n'ekyeni kyatuuka ku itaka,

Amainhama 32:29

Yakobo yaakoba ati: “Nkweghembye, nkobera eriina lyo.” Aye ole yairamu ati: “Lwaki oyenda okumanha eriina lyange?” Agho yaagha Yakobo enkabi agho mu kifo ekyo.

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

1 Bakyabazinga 17:24

Agho omukazi yaakoba Eliya ati: “Mpegaano mmanhiire irala ng'oli muntu wa Katonda, era nga bwenebwene Musengwa Katonda ky'ayogera ng'abita mu iwe kiba kya mazima.”

2 Bakyabazinga 4:16

Elisha yaamukoba ati: “Mu kiseera nga kino omwaka ogwidha, oliba olera omwana owuwo omulenzi.” Omukazi yairamu ati: “Busa, musengwa wange, iwe oli muntu wa Katonda, otanguyaguya nze omugheereza wo.”

2 Bakyabazinga 4:9

Omukazi oyo yaakoba iba ati: “Bona, mpegaano ntegeire ng'omusaadha oyo atera okubitira ewaife, muntu wa Katonda mutukuvu.

Okuvaayo 3:2

Ghano malaika wa Musengwa Katonda yaamubonekera mu lulimi olw'omuliro nga luva mu kisaka ghagati. Musa yaalingirira ekisaka nga kigemye omuliro aye nga tikiri kusiriira.

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Danieli 10:11

Malaika yankoba ati: “Danieli, oli mugonzi inho ye Katonda. Situka oyemerere weesimbe bukalamu, owulirise bye nja okukukoba, kuba ntumiibwa y'oli.” Bwe yamala okunkoba ebyo, nze naayemerera nga nkaadhugumira.

Danieli 10:5

Naja okulinga nti, nga mbona omusaadha ng'avaire engoye empegheevu, era nga yeesibye mu nkende olusibiro lwa zaabu ow'e Ufazi.

Danieli 8:17

Kale Gaburieli yaaseeta ghe nali nhemereire. Bwe yaidha naatya inho, naakuba amakiryaivu era naakutama n'ekyeni kyatuuka ku itaka. Yankoba ati: “Iwe omuntu obuntu, tegeera ng'okubonekerwa okwo kugema ku biseera bya nkomerero ya nsi.”

Luka 1:19

Malaika yaamwiramu ati: “Ninze Gaburieli ayemerera mu maiso ga Katonda, era ntumiibwa okwogera n'iwe nkukobere amawulire amalungi ago.

Luka 9:29

Bwe yali asaba, emboneka ye mu maiso yaafuuka bundi n'ebivaalo bye byafuuka byeru, byamesunkana.

Ebikolwa by'Abatume 6:15

Abo boonaboona abaali batyaime mu lwekobaano bwe baalingirira Sitefano, baabona nga mu maiso ali ng'oti malaika.

Amateeka Agokubiri 33:1

Dhino n'enkabi, Musa omusaadha wa Katonda dhe yasabira Abaisiraeli ng'akaali kufa.

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

Yoshua 14:6

Lulala, abantu ab'ekika ekya Yuda baidha ye Yoshua nga bakaali e Giligali. Owundi ku bantu abo ye baayetanga Kalebu mutabane wa Yefunne ow'oku nda ya Kenizzi yaamukoba ati: “Oidhi Musengwa Katonda kye yakoba Musa omusaadha we, ekigema ku iwe ni ku nze, nga tuli e Kadeshi Barinea.

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Abalamuzi 13:10

Agho omukazi yaalumuka mangu, yaakobera iba ati: “Bona, omuntu ole eyaidha ye ndi ku lunaku lule, aidhie kabiri yambonekera!”

Abalamuzi 13:22

Manoa yaakoba mukazi we ati: “Bwenebwene twidha kufa, kuba tuboine Katonda!”

Abalamuzi 13:3

Agho malaika wa Musengwa Katonda yaabonekera omukazi oyo, yaamukoba ati: “Oli mugumba, tozaalangaku mwana. Aye bona, oidha kutoola enda ozaale omwana mulenzi.

Abalamuzi 13:7

Aye ankobye ati, ‘Bona, oidha kutoola enda ozaale omwana mulenzi. Kale ni otanhwanga mwenge gwa mizabbibu oba ekitamiiza kyonakyona, waire okulya ekintu kyonakyona ekitali kirongoofu kuba omwana oyo aliba Munaziri, okuva lw'alizaalibwa okutuusa lw'alifa.’ ”

Abalamuzi 13:8

Agho Manoa yaasaba Musengwa Katonda ati: “Wo Musengwa Katonda, nkweghembye leka omuntu wa Katonda ye watumye, aidhe ye tuli kabiri atwegerese kye tuli n'okukolera omwana aja okuzaalibwa.”

Abalamuzi 6:11

Agho malaika wa Musengwa Katonda yaidha mu kiketezo ekyetebwa Ofura. Yaatyama ghansi gh'omuti omukologho ogwa Yoashi Omubiezeri. Gideoni, mutabane wa Yoashi oyo, yali ng'ali kukuba ngaano mu kikunhiro ky'omwenge gw'emizabbibu, olw'okwenda okugikweka ku Bamidia.

1 Samueli 2:27

Agho omuntu wa Katonda yaidha ewa Eli, yaamukoba ati: “Musengwa Katonda akobye ati, ‘Nabonekera ab'endhu ya dhaadha wo, bwe baali nga bairu ba kyabazinga w'e Misiri.

1 Samueli 9:6

Aye omugheereza yaamwiramu ati: “Bona eno, mu kibuga kino mulimu omuntu wa Katonda abantu ye baisaamu ekitiisa, era kiisi ky'ayogera kituukirira. Ka tuje y'ali, oba katyo anaatukobera eby'olugendo lwaife lwe tuli kutambula.”