Abalamuzi 13:16 - Baibuli Ekibono kya Katonda 2014

¹⁶ Aye malaika wa Musengwa Katonda yaamukoba ati: “Ni bwe nnaasigala nga nkaaliku n'imwe, era tiirye ku mere yaimwe. Aye bwe mwenda okutegeka ekigheebwayo ekyokebwa, mugwaniire kukigha Musengwa Katonda.” Manoa yali amukobye ebyo lwa kuba tiyategeera ng'oyo malaika wa Musengwa Katonda.

Abalamuzi 13:16 ပူးပေါင်းရင်းမြစ်များ

Amainhama 18:5

Ndidha kuleeta ni ku kamere, mulyeku mufune amaani memale mweyongereyo, kuba mukyaliire omugheereza waimwe.” Bale bairamu bati: “Kola nga bw'okobye.”

Abalamuzi 13:21

Malaika wa Musengwa Katonda tiyairayo kubabonekera kabiri. Agho Manoa yaategeera ng'oyo abaire malaika wa Musengwa Katonda.

Abalamuzi 13:23

Aye mukazi we yairamu ati: “Ngoli Musengwa Katonda abaire ayenda kutwita, tiyandituganhie kumugha ekigheebwayo ekyokebwa, n'ekyo eky'emere ey'empeke. Era tiyanditwoleike bino byonabyona, waire okutukobera ebintu ng'oti n'ebyo mpegaano.”

Abalamuzi 6:20

Malaika wa Musengwa Katonda yaamukoba ati: “Toola emamba n'emigaati egitazimbulukusiibwa obite ku ibaale lino, obifukeku omuunhu ogw'omu mamba eyo.” Gideoni yaakola atyo.

Abalamuzi 6:26

Olwo ozimbire Musengwa Katonda wo alutaari ghaigulu ku kigulumo kino, ng'okozesa amabaale agataanhiibwa obukalamu. Era, olwo otoole ente ere eyokubiri ogigheeyo ng'ekigheebwayo ekyokebwa, ng'ogyokesa enku edh'empagi ere eya Ashera y'otemyetemye.”