Abalamuzi 12:4 - Baibuli Ekibono kya Katonda 2014

⁴ Agho Yefutha yaasoloza abasaadha boonaboona ab'e Gileadi, yaalwanisa Abaefuraimu yaabaghangula kuba Abaefuraimu baali nga bakobye bati: “Imwe Abagileadi abali mu Efuraimu ni mu Manasse, mwalumuka ku Efuraimu.”

Abalamuzi 12:4 ပူးပေါင်းရင်းမြစ်များ

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

Nehemia 4:4

Agho naasaba nti: “Wo Katonda waife, wulira bwe bali kutunhoomoola. Nkusaba ebivumo bye bali kutuvuma bibairirengaku beene. Era obagheeyo y'abazigu babanhageku ebyaibwe, babatwale mu nsi eyindi nga banhage.

Zabbuli 78:9

Aba Efuraimu nga bagemye obulaso ku lunaku olw'olutalo, baakyuka baalumuka abazigu.

Ensambo 12:13

Ebibono eby'omubi byene bifuuka mutego ogumugemya, aye omutuufu abita mu bizibu byaloba kumugemaku.

Ensambo 15:1

Omuntu airamu nga yeewooya amalagho obusungu, aye ole ayogera n'eikabyo abusiikuula busiikuule.

Abalamuzi 11:10

Bale bairamu bati: “Twikiriiza. Musengwa Katonda n'omudhulizi waife.”

Abalamuzi 12:3

Bwenabona nga timwidhie kubamponia, naaghaayo obulamu bwange, naaja okulwanisa Abammoni abo era Musengwa Katonda yampa okubaghangula. Kale, lwaki mwidhie olwaleero okuunwanisa?”

Abalamuzi 12:5

Agho Abagileadi baagema ebifo byonabyona omwiga Yorudani ghe gusomokerwa, nga benda okulobera Abaefuraimu okulumuka. Era kiisi Muefuraimu eyagezangaku okulumuka, bwe yaidhanga n'asaba bamuganhe okusomoka, nga bamubuuza bati: “Oli Muefuraimu?” Bwe yairangamu ati: “Busa”,

1 Samueli 25:10

Agho Nabali yairamu abagheereza ba Daudi abo, ng'akoba ati: “Daudi naani? Mutabane wa Yesse naani? Enaku dhino ghaligho abagheereza kamaala abeiba ku basengwa baibwe ni babalumukaku.