Abalamuzi 11:8 - Baibuli Ekibono kya Katonda 2014

⁸ Abakulembeze b'omu Gileadi baakoba Yefutha bati: “Twidhie y'oli mpegaano, kuba twenda oje n'ife tulwanise Abammoni, era obe mukulembeze ow'abatyamye boonaboona mu Gileadi.”

Abalamuzi 11:8 ပူးပေါင်းရင်းမြစ်များ

1 Bakyabazinga 13:6

Agho kyabazinga Yeroboamu yaakoba omulanzi ati: “Weeghembe Musengwa Katonda wo onsabire, omukono gwange gwiregho.” Omulanzi yeeghemba Musengwa Katonda, omukono gwa kyabazinga ogwo gwairagho, gwaba mu mbeera yaagwo eyabuliidho.

Okuvaayo 10:17

Kale nsaba kusoniyibwa, okwonoona kwange okwo, era nsaba, leero ku mukuzi guno, muneegayiriregho eri Musengwa Katonda waimwe antooleku olumbe luno.”

Okuvaayo 8:28

Agho kyabazinga yaabakoba ati: “Kale ndidha kubaleka muje mu irungu mugheereyo eyo emisengo ye Musengwa Katonda waimwe, kasita muba nga timuuje ghala inho. Muneegayiriregho eri Musengwa Katonda oyo.”

Okuvaayo 8:8

Kyabazinga yaayetesa Musa ni Aaroni yaabakoba ati: “Muneegayiriregho eri Musengwa Katonda antooleku ebikere bino era abitoole ni ku bantu bange, ndidha kuleka Abaisiraeli baje bagheeyo omusengo ye Musengwa Katonda.”

Okuvaayo 9:28

Muneegayiriregho eri Musengwa Katonda, kuba titukaaghanga kugumira kubwatuka kwa lukuba na mugozi bino. Ndidha kubaleka muje era tikikaabeetaagisa kusigala nga mukaali muno.”

Abalamuzi 10:18

Abakulembeze b'Abaisiraeli mu Gileadi beebuuzagania beene na beene bati: “Naani anaakulembera olutalo olw'okulwanisa Abammoni? Oyo n'aidha okuba omukulembeze ow'abatyamye boonaboona ab'omu Gileadi.”

Abalamuzi 11:9

Yefutha yaakoba ati: “Bwe munandhizaayo ewaife okulwanisa Abammoni, memale Musengwa Katonda n'ampa obughanguzi, ndidha kuba mufuzi waimwe.”