Abalamuzi 11:39 - Baibuli Ekibono kya Katonda 2014

³⁹ Emyezi ebiri bwe gyawaaku, omughala yaira ye ise. Ise yaakola nga bwe yeeyama ye Musengwa Katonda, omughala yaafa nga mwegha. Okwo n'okwava empisa mu Isiraeli,

Abalamuzi 11:39 ပူးပေါင်းရင်းမြစ်များ

2 Ebyomubyanda 35:25

Ni Yeremia omulanzi yeena yaalira Yosia. Era okulira kwe okwo, abembi boonaboona abasaadha n'abakazi baakufuulamu mpisa mu Isiraeli ni ye buli eno, okwembanga ku Yosia nga bamulira.

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Amateeka Agokubiri 12:31

“Mutasinzanga Musengwa Katonda waimwe mu nsambo beene ye basinzaamu bakatonda baibwe, kuba bwe baba nga bali kusinza bakatonda baibwe, bakola buli kyenhinhasa Musengwa Katonda era ky'atayenderaku irala. Bookya n'abaana baibwe mu muliro, ng'emisengo eri bakatonda baibwe.

Abalamuzi 11:31

omuntu alisooka okufuluma mu miryango gy'endhu yange okwidha okunsangaaza nga ndhize n'obughanguzi, aliba wuwo. Ndimughaayo ng'ekigheebwayo ekyokebwa.”

Abalamuzi 11:38

Yefutha yaamukoba ati: “Ja.” Yaamusiibula aje amale emyezi ebiri. Omughala yaaja ni bakagwa be ku nsozi, yeeririra eyo olw'okufa nga mwegha.

Abalamuzi 11:40

ey'abaghala okujanga buli mwaka, ni bamala enaku ina nga balira mughala wa Yefutha ow'e Gileadi.

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”

1 Samueli 1:22

Aye ku mukuzi ogwo Hanna tiyaja nabo, kuba yakoba iba ati: “Omwana bw'alikula n'ava ku mabeere, ndimutwala naamwandhulayo ye Musengwa Katonda era yaaba eyo enaku dhoonadhoona edh'obulamu bwe.”

1 Samueli 1:24

Omwana bwe yakula n'ava ku mabeere, Hanna yaamutwala ghalala n'ente ey'emyaka esatu, ni kilo ikumi edh'obuwunga obw'engaano, n'ensawo ey'oluwu eidhwire omwenge ogw'emizabbibu. Yaamutwala mu ndhu ya Musengwa Katonda e Shilo, waire ng'era omwana yali akaali muto.

1 Samueli 1:28

Kale buti ndi kumughaayo abe wa Musengwa Katonda enaku dhoonadhoona edh'obulamu bwe.” Era baasinza Musengwa Katonda nga bali eyo.

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.