Abalamuzi 11:35 - Baibuli Ekibono kya Katonda 2014

³⁵ Yefutha bwe yamubona, yaakanulamu ebivaalo olw'enaku, ng'akoba ati: “Nkagwireku mwana wange! Onnakughaiza inho, era ondeeteire obulumi ku mwoyo, kuba neeyama ye Musengwa Katonda era tisobola kumenhagho bweyamo obwo!”

Abalamuzi 11:35 ပူးပေါင်းရင်းမြစ်များ

2 Samueli 18:33

Agho kyabazinga enaku yaamugema ey'amaani. Yaaja ghaigulu mu kimante ekyali ku mulyango ogw'ekibuga, yaalira amaziga. Yaaja nga bw'alira ati: “Woowe omwana wange Abusalomu, omwana wange, omwana wange Abusalomu. Nze nandifiire mu kifo kyo. Woowe Abusalomu omwana wange, omwana wange!”

2 Samueli 3:31

Agho Daudi yaalagira Yoabu n'abantu be yali nabo bakanulemu ebivaalo byaibwe olw'okunakughala, beesibe ebikaakaati, balire Abuneri. Era kyabazinga Daudi mwene, yaanonereza omulambo gw'Abuneri nga baja okuguziika.

Yobu 1:20

Agho Yobu yaasituka, yaakanulamu ekivaalo kye era yaamwa omutwe gwe olw'okunakughala, yaakutama n'ekyeni kyatuuka ku itaka, yaasinza Katonda.

Zabbuli 15:4

Anhooma abo abatasanhusa Musengwa Katonda, aye yaata ekinhagansi mu abo abatya Musengwa Katonda. Atuukiriza bye yeeyamye, ni bwebimufiiriza takyusaamu.

Zabbuli 66:13

Ndidha kuleetanga mu ndhu yo ebigheebwayo ebyokebwa, ntuukirizenga bye neeyama,

Zabbuli 66:14

ebyo bye nasuubiza okukugha bwe nali nga ndi mu buzibu.

Okubala 14:6

Aye Yoshua mutabane wa Nuni, ni Kalebu mutabane wa Yefune, abaali ku abo abaaja okukeeta, baakanulamu ebivaalo byaibwe olw'okunakughala.

Ebikolwa by'Abatume 23:14

Agho baaja ye Bakabona Abakulu n'abakulu ab'ebika, baakoba bati: “Twesoomeire obutakomba ku kantu koonakoona okutoolaku nga tumaze okwita Paulo.

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.