Abalamuzi 11:34 - Baibuli Ekibono kya Katonda 2014

³⁴ Yefutha bwe yairayo eka mu Mizipa, yaja okulinga ati ng'abona mughala we ali kwidha okumusangaaza ng'akina era ng'akuba obugoma n'ensaasi. Oyo yali nga n'omwana wa Yefutha yenka ati. Yali azirayo mwana wundi k'abe wa bulenzi oba wa bughala, okutoolaku oyo yenka.

Abalamuzi 11:34 ပူးပေါင်းရင်းမြစ်များ

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

Zabbuli 150:4

Mumusaake nga mukuba engoma bwe mukina, mumusaakire ku bivuga eby'enkosi n'endere.

Zabbuli 68:25

Abembi n'abakulemberamu, abaghala abakuba obugoma n'ensaasi bairirira, memale ab'entongooli n'endingidi baakoobera.

Okuvaayo 15:20

Agho Miriamu omulanzi omukazi era mwanhina Aaroni, yaatoola akagoma yaakagema mu ngalo, n'abakazi abandi boonaboona baagema obugoma, baamunonereza nga babukuba bwe bakina.

Yeremia 31:13

Abaghala balisangaala baakina, n'abasaadha abakulu n'abato baasagamba. Ndibagumya, naabaleetera okuseka enseko mu kifo ky'okulira amaziga, naabaleetera eisanhu mu kifo ky'enaku.

Yeremia 31:4

Ndiiramu kabiri okubazimba imwe abantu bange mube eighanga eiyaaka. Muliiramu kabiri okugema obugoma bwaimwe, mwabukuba nga musagamba.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Luka 7:12

Bwe yali ng'ali kumpi okutuuka ku mulyango ogw'ekibuga, ghaabaagho omulambo gwe baali bafulumya. Omufu yali nga yazaalibwa mulala ati ku inhina, ate ng'ono yali namwandu era abantu ab'ekibuga abaaligho baali kamaala.

Luka 8:42

Kuba mughala we omulala bedengedenge, eyali ow'emyaka eikumi n'ebiri yali ali kufa. Bwe yali aja abantu kamaala baamwenhigirizaaku.

Luka 9:38

Ghaabaagho omusaadha mu ikuukuubira yaayetera ghaigulu ati: “Mwegeresa, nkweghembye bona omwana wange. Ono n'omwana ye ndi naye yenka,

Yoshua 18:26

Mizipa, Kefira, Moza,

Abalamuzi 10:17

Agho Abammoni beetegeka okulwana, baasimba weema dhaibwe mu Gileadi. N'Abaisiraeli beesoloza, baasimba weema dhaibwe e Mizipa mu Gileadi.

Abalamuzi 11:11

Agho Yefutha yaaja n'abakulembeze b'e Gileadi, abantu baamufuula mufuzi era mukulembeze waibwe. Yefutha yaayogera ebibono bye byonabyona mu maiso ga Musengwa Katonda e Mizipa.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.

Abalamuzi 21:21

Abaghala b'e Shilo bwe banaafuluma okukina ku kibinuko, olwo mwidha kuva mu masamba g'emizabbibu, kiisi muntu ku imwe agememu mulala bya ntaka amufuule mukazi we, muje nabo mu kiketezo kya Benjamini.