Abalamuzi 11:27 - Baibuli Ekibono kya Katonda 2014

²⁷ Kale ni ti ninze nsobiiza y'oli, aye niiwe oli kusobya ng'onwanisa. Musengwa Katonda, n'omulamuzi. Leka alamule olwaleero ghagati gh'Abaisiraeli n'Abammoni.”

Abalamuzi 11:27 ပူးပေါင်းရင်းမြစ်များ

Amainhama 16:5

Sarai yaakoba Aburamu ati: “Ebibi ebiri kunkolwaku bikwirirengaku! Nze nakugha omwiru wange obe naye, aye olwakizuula ng'atoire enda, yaatoolera okwekuluntaza n'okuunhooma. Musengwa Katonda atusalire omusango nze n'iwe!”

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Amainhama 31:53

Katonda wa Aburahamu era Katonda wa Nahori, atusalirenga omusango nze n'iwe.” Yakobo yaalayira mu liina lya Katonda wa Isaaka ise, ati aidha kukuumanga endagaano eyo.

2 Ebyomubyanda 20:12

Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

Yobu 23:7

Eyo omuntu omwesimbu asobola okuwoza naye, era omulamuzi wange oyo yandineedheereiza omusango, byawa.”

Yobu 9:15

Waire nga nziraku musango, tisobola kwewozaaku, aye nsaba bwa Katonda oyo omulamuzi wange ansaasire.

Zabbuli 50:6

Eby'omu igulu birangirira nga Katonda bw'ali omutuufu, kuba mwene n'asala omusango.

Zabbuli 7:11

Katonda asala omusango mu butuufu, era abakozi b'ebibi abasalira omusango okubasinga.

Zabbuli 75:7

Katonda mwene n'asala omusango owundi gwamusinga ate owundi yagusinga.

Zabbuli 82:8

Wo Katonda, situkiramu ofuge ensi yo, kuba amaghanga goonagoona gago.

Zabbuli 94:2

Situkiramu, niiwe asalira ensi emisango, abo abeebona nga ba ghaigulu obasasule ekyo ekibagwaniire.

Zabbuli 98:9

kuba ali kwidha okusalira ensi omusango mu butuufu. Aidha kufuga abantu boonaboona, ng'akolera ku mazima.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Omulangirizi 12:14

Era Katonda aja kutusalira omusango ku byonabyona bye tukola, ka bibe ebirungi oba ebibi, nga kw'otaire n'ebyo ebikolebwa mu ngiso.

2 Ab'e Korintho 11:11

Kino nkyogera lwa kuba nga tibagonza? Katonda aidhi nga mbagonza.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

2 Timotheo 4:8

Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.

Abaheburayi 12:23

Mwidhie mu lwekobaano olw'abaana ababeri abaaghandiikibwa mu igulu, ni ye Katonda omulamuzi w'abantu boonaboona, era ni y'emyoyo gy'abatuufu abaafuulibwa abatuukiriire.

Abalamuzi 11:28

Aye kyabazinga w'Abammoni tiyafaayo ku bukwenda Yefutha bwe yamutumira.

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”

1 Samueli 24:12

Musengwa Katonda n'abe asale omusango ghagati ghange n'iwe, era n'abe akwesasuulizeeku olw'ebyo by'onkola, aye nze ku lwange nzira kibi kye ndidha kukukola.

1 Samueli 24:13

Ng'ensambo ey'abeira bw'ekoba eti, ‘Omubi n'akola ebibi’, nze tiidha kukukolaku kabi koonakoona.

1 Samueli 24:15

Nsaba Musengwa Katonda asale omusango ghagati ghange n'iwe, anoonereze ensonga, ampolereze era antoole mu ngalo dho.”

1 Samueli 24:16

Daudi bwe yamala okukoba Saulo ebibono ebyo, Saulo yaakoba ati: “Mwana wange Daudi, bwenebwene niiwe oli kwogera?” Agho Saulo oyo yaatimbuka yaalira amaziga.