Abalamuzi 11:26 - Baibuli Ekibono kya Katonda 2014

²⁶ Isiraeli amaze entangama ya myaka ebikumi bisatu mu Heshiboni, ni mu Aroeri, n'ebyalo ebibyezungulwire, ni mu bibuga byonabyona ebiri ku mbali kw'omwiga Arunoni. Kiki ekyakulobera okubyeiriza mu kiseera ekyo?

Abalamuzi 11:26 ပူးပေါင်းရင်းမြစ်များ

Yeremia 48:19

Imwe ababa mu Aroeri, mwemerere ku mbali kw'enguudo muteegerere, mubuuze abo abali kuziinhuuka nga balumuka okwewonia, muti, ‘Kiki ekigwiregho?’

Ebikolwa by'Abatume 13:19

Yaazikiriza amaghanga omusanvu agaali mu nsi ey'e Kanaani, yaabagha ensi eyo okuba obutaka bwaibwe,

Amateeka Agokubiri 2:24

Musa yaakoba Abaisiraeli ati: “Bwe twamala okubita mu Moabu, Musengwa Katonda yankoba ati, ‘Musituke, mweyongereyo mu lugendo lwaimwe, mubite mu kiiko Arunoni. Kyabazinga w'e Heshiboni, ayetebwa Sihoni Omuamori, mmubataire mu ngalo. Mumutanuleku olutalo mutwale ensi ye, ebe yaimwe.

Amateeka Agokubiri 2:36

Okuva ku Aroeri ekiri ku mugo ogw'ekiiko Arunoni, n'ekibuga ekiri mu kiiko ekyo mwene, okutuukira irala e Gileadi, ghazira kibuga kyatulema lwa bugulumivu bwa bimante bigumu ebikyezungulwire. Byonabyona Musengwa Katonda waife yabitugha twabinhaga.

Amateeka Agokubiri 3:2

Aye Musengwa Katonda yankoba ati, ‘Otamutya, kuba ndidha kumughaayo omughangule n'abantu be boonaboona, era onhage n'ensi ye yoonayoona. Oidha kumukola kye wakola kyabazinga w'Abamori, Sihoni, eyabanga mu Heshiboni.’

Amateeka Agokubiri 3:6

Twazikiriza ebibuga byonabyona n'abantu boonaboona, abasaadha, n'abakazi, n'abaana abato, nga bwe twakola mu bibuga ebyali ebya kyabazinga w'e Heshiboni, Sihoni.

Yoshua 11:18

waire nga kyamutwalira ekiseera kireeyi okubalwanisa.

Yoshua 12:2

Kyabazinga ye baasooka okughangula nga bamweta Sihoni, ng'afuga ekibuga Heshiboni era nga Muamori. Obwakyabazinga bwe nga butwalizaamu ekitundu kya Gileadi: nga buva ku kibuga Aroeri ekiri kumpi n'ekiiko ekirimu omwiga Arunoni, ku luuyi olw'ekiiko ekyo olw'omukono omugooda olw'e buvandhuba, bwatuuka ku mwiga Yabboki, ku nsalosalo y'Abammoni.

Yoshua 12:5

Obwakyabazinga bwe nga butwalizaamu olusozi Herimoni, n'ekiketezo ekyetebwa Saleka ni Bashani yeenayeena okutuuka ku nsalo y'ab'e Geshuri n'ab'e Maaka. Era nga ku Gileadi afugaku ekitundu okutuuka ku kiketezo kya Sihoni kyabazinga wa Heshiboni.

Yoshua 13:10

Era kyeyongera kyatuukira irala ku nsalosalo ni Ammoni nga kitwaliizaamu ebibuga byonabyona ebyali bifugibwa Sihoni kyabazinga Omuamori ow'e Heshiboni.

Yoshua 13:16

Ekiketezo kyaibwe kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko ekyo, n'omuseetwe ogwezungulwire ekiketezo eky'e Medeba.

Yoshua 13:17

Era kyatwalizaamu ni Heshiboni n'ebibuga ebindi byonabyona ebikiriiraine ebiri ku museetwe ogwo, era ni bino: Diboni, Bamothi Baali, Bethi Baalimeoni,

Yoshua 23:1

Nga ghabiseegho ekiseera kireeyi inho, era nga Musengwa Katonda amaze okugha Abaisiraeli emiraala, nga baliraanwa baibwe ti bakaabalumba, Yoshua yali akairiighe inho.

Abalamuzi 10:8

Abafilisiti n'Abammoni abo baamala emyaka ikumi na munaana nga batuntuza era nga bakiriga Abaisiraeli boonaboona abaali ere ng'osomoike omwiga Yorudani, mu kiketezo eky'Abamori ekiri mu Gileadi.

Abalamuzi 3:11

Olwo ensi yaabaamu emiraala okumala emyaka amakumi ana. Agho Othinieli yaafa.

Abalamuzi 3:30

Ku lunaku olwo Abaisiraeli baaghangula Moabu. Ensi yaabaamu emiraala okumala emyaka kinaana.

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.

Abalamuzi 8:28

Kale Isiraeli yaaghangula Abamidia, era Abamidia abo baaloba kwiramu kabiri kubeeraliikiriza. Ensi yaabaamu emiraala okumala emyaka amakumi ana, okutuusa Gideoni bwe yafa.

Abalamuzi 9:22

Abimeleki yaafuga Isiraeli okumala emyaka esatu.