Abalamuzi 10:9 - Baibuli Ekibono kya Katonda 2014

⁹ Abammoni baasomoka n'omwiga Yorudani okulwanisa ab'ekika kya Yuda, n'ekya Benjamini, n'ekya Efuraimu. Olwo Isiraeli yoonayoona yaaba mu bweraliikirivu obubitirivu.

Abalamuzi 10:9 ပူးပေါင်းရင်းမြစ်များ

2 Ebyomubyanda 14:9

Agho ghaabaagho Omwethiopia ayetebwa Zera, yaabalumba n'eigye lya balwani akakaire kalamba (1,000,000), n'ebigaali eby'omu lutalo ebikumi bisatu. Yaidha yaatuukira irala e Maresha.

2 Ebyomubyanda 15:5

Mu biseera ebyo tighaaligho miraala. Ng'omuntu tasobola kutambula n'aja era n'aira nga ghazira kimutuuseeku, kuba ghaaligho obutabanguko kamaala obweraliikirizanga abatyamye boonaboona ab'omu nsi.

Amateeka Agokubiri 28:65

Era nga muli mu maghanga ago timulityama ni mutereera naire oba okubaaku ni ghe mweta aghaimwe. Aye Musengwa Katonda alibaleetera okutya, n'okweraliikirira, n'okuwaamu eisuubi.

Abalamuzi 10:10

Agho Abaisiraeli baalirira Musengwa Katonda nga bakoba bati: “Twayonoona mu maiso go, kuba twakuvaaku iwe Katonda waife, twasinza emisambwa gi Baali.”

Abalamuzi 10:8

Abafilisiti n'Abammoni abo baamala emyaka ikumi na munaana nga batuntuza era nga bakiriga Abaisiraeli boonaboona abaali ere ng'osomoike omwiga Yorudani, mu kiketezo eky'Abamori ekiri mu Gileadi.

Abalamuzi 11:4

Nga ghabiseeghooku entangama, Abammoni baaja okulwanisa Abaisiraeli.

Abalamuzi 2:15

Kiisi bwe baajanga okulwana olutalo, nga Musengwa Katonda abasindikira akabi, nga bweyali amaze okubeesoomera. Kale baaba mu kabi akataloodheka.

Abalamuzi 6:2

Abamidia baasingira ghala Abaisiraeli amaani. Era olw'ekyo Abaisiraeli beesimira endungu edh'okwekwekamu mu nsozi, era beekwekanga mu mpuku ni mu bifo ebindi eby'okwewogomamu

1 Samueli 13:6

Abaisiraeli bwe baabona nga bali mu kabi, era ng'eigye lyaibwe balinhigiriiza, beegisa mu mpuku, mu biina, mu mabaale, mu magombe, ni mu nsulo edh'amaadhi.

1 Samueli 28:15

Samueli yaabuuza Saulo ati: “Lwaki ontabwiretabwire n'ontoola e magombe?” Saulo yaamwiramu ati: “Ndi mu buzibu obutaloodheka! Abafilisiti bantanwireku olutalo, ate Katonda andekuliire agho, yaaloba okundhiramu, ni bwe kuba okubita mu balanzi oba mu birooto. Kyenviire ni nkweta onkobere kye mbe nkole.”