Abalamuzi 10:6 - Baibuli Ekibono kya Katonda 2014

⁶ Agho Abaisiraeli kabiri baakola ebibi ye Musengwa Katonda, nga basinza emisambwa, Baali ni Ashitarothi. Era baasinza bakatonda b'Abasiria, n'ab'Abasidoni, n'ab'Abamoabu, n'ab'Abammoni, n'ab'Abafilisiti. Abaisiraeli abo, baava ku Musengwa Katonda, baalekera agho okumusinza.

Abalamuzi 10:6 ပူးပေါင်းရင်းမြစ်များ

1 Bakyabazinga 11:33

Ndidha kukola ntyo, kuba Solomoni oyo yanvaaku yaasinza omusambwa omukazi Ashitorethi ogw'Abasidoni, n'omusambwa Kemoshi ogw'Abamoabu, n'omusambwa Milikomu ogw'Abammoni. Yandheemera yaakola ebibi, yaaloba kugema mateeka na biragiro byange, nga lata we Daudi bwe yakolanga.

1 Bakyabazinga 11:5

Solomoni yaasinza omusambwa omukazi Ashitorethi ogw'Abasidoni, n'omusambwa Milikomu ogw'Abammoni, ogwenhinhalwa.

1 Bakyabazinga 11:7

Agho yaazimba ku lusozi oluli ku luuyi olw'e buvandhuba wa Yerusalemu, ekifo ekigulumivu eky'okusinzizaamu omusambwa Kemoshi ogw'Abamoabu ogwenhinhalwa, n'eky'okusinzizaamu omusambwa Moleki ogw'Abammoni, gwona era ogwenhinhalwa.

1 Bakyabazinga 16:31

Eky'okukola ebibi nga Yeroboamu mutabane wa Nebati bwe yakola tikyamumala ng'oti se kitono, aye yaataaku n'okubayiza Yezebeli, mughala wa kyabazinga Ethibaali ow'Abasidoni. Ahabu oyo era yaatuuka n'okuja okugheereza omusambwa Baali era n'okugusinza.

2 Bakyabazinga 17:16

Baava ku biragiro byonabyona ebya Musengwa Katonda waibwe, beekolera ebifaananie bibiri eby'ente ento mu kyuma ekisaanuusiibwa, beekolera n'ekifaananie ky'omusambwa omukazi Ashera. Baasinzanga emuunienie dhoonadhoona edh'oku igulu, era baasinzanga ni Baali yeena.

2 Bakyabazinga 23:13

Kyabazinga Yosia yaayonoona ebifo ebigulumivu eby'okusinzizaamu ebyali ku lwetebwa Olusozi olw'Okwonoona oluli ku luuyi olw'e buvandhuba wa Yerusalemu. Ebifo ebyo, kyabazinga Solomoni owa Isiraeli yali abizimbiire ebifaananie eby'emisambwa egyenhinhalwa: ekindi nga kya musambwa omukazi Ashera ogw'Abasidoni, ekindi kyaba kya musambwa Kemoshi ogw'Abamoabu, n'ekindi kyaba kya musambwa Moleki ogw'Abammoni.

2 Ebyomubyanda 28:23

Yaaghaayo emisengo eri bakatonda b'e Damasiko abaamughangula, ng'akoba ati: “Bakatonda b'e Siria baayamba bakyabazinga baayo, zeena ka mbaghe emisengo baanhambe.” Aye byamuviiramu bwa kuzikirira, mwene n'ensi ye yoonayoona.

Zabbuli 106:36

nga basinza ebitali Katonda era ekyo kyabaviiraku okuzikirira.

Isaia 23:4

Oswaire iwe Sidoni! Enhandha ekwegaine n'amaadhi gaayo amangi, eti: “Nze tirumwangaku kuzaala, era tizaalangaku naire. Tikuzangaku mwana, k'abe mulenzi oba mughala.”

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Ezekieli 27:16

Ab'e Assiria baasuubulagananga n'iwe olw'ebintu ebingi bye wakolanga, baakughangamu amabaale ag'omughendo ageetebwa emeraludo, n'engoye edh'erangi ya nakasooma, n'emidaliso, n'engoye empegheevu, n'amabaale ag'omughendo ageetebwa korali n'ageetebwa agate.

Amateeka Agokubiri 13:6

“Ni bw'aba muganda wo mwene, oba mutabane wo, oba mughala wo, oba mukazi wo y'oyenda einho, oba mukagwa wo einho, yeena asobola okukusendasenda mu kyama ng'akukoba muje naye musinze bakatonda iwe ni badhaadha bo be mutasinzangaku.

Amateeka Agokubiri 13:8

Aye iwe otaganhanga by'akukoba, oba okumuwulirisa, oba okumusaasira, waire okumuwonia ng'ogisa ekibi kye ekyo.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Yoshua 13:31

Era kyatwalizaamu ekitundu ku Gileadi, era kyatwalizaamu ebibuga bino: Ashitarothi ni Edurei ebibuga bino kyabazinga Ogi owa Bashani mwe yafugiranga. Bino byonabyona byagheebwa edhindi ku nda edha baidhukulu ba Makiri mutabane wa Manasse.

Abalamuzi 10:5

Yairi yaafa, baamuziika mu Kamoni.

Abalamuzi 11:24

Iwe twala ebyo byonabyona omusambwa gwo Kemoshi, bye gukugha okuba ebibyo. Aye ife twidha kutwala ebyo byonabyona Musengwa Katonda waife by'atoola ku bandi n'atugha.

Abalamuzi 13:1

Agho Abaisiraeli kabiri baayonoona ye Musengwa Katonda. Musengwa Katonda yaabaleka okufugibwa Abafilisiti okumala emyaka amakumi ana.

Abalamuzi 16:23

Abakungu b'Abafilisiti beesoloza okusagambya n'okughaayo omusengo omukologho y'omusambwa gwaibwe Dagoni, nga bakoba bati: “Omusambwa gwaife gutughaire okughangula omuzigu waife Samusoni.”

Abalamuzi 3:7

Agho Abaisiraeli beerabira Musengwa Katonda waibwe. Baayonoona y'ali, nga basinza emisambwa Baali ni Ashera.

Abalamuzi 4:1

Ehudi bwe yamala okufa, Abaisiraeli bairamu kabiri okwonoona ye Musengwa Katonda.

Abalamuzi 6:1

Agho Abaisiraeli kabiri baayonoona ye Musengwa Katonda. Musengwa Katonda yaaleka Abamidia okubafuga okumala emyaka musanvu.

Abalamuzi 8:33

Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.

1 Samueli 5:2

Baagitwala baagita mu isabo lya omusambwa gwaibwe Dagoni, era baagita kumpi n'omusambwa ogwo.