Abalamuzi 10:4 - Baibuli Ekibono kya Katonda 2014

⁴ Yali ni batabane amakumi asatu, abaajiiranga ku ndogoyi amakumi asatu. Baali n'ebibuga amakumi asatu, mu Gileadi, ebikaayetebwa ebyalo bya Yairi ni ye buli eno.

Abalamuzi 10:4 ပူးပေါင်းရင်းမြစ်များ

2 Samueli 16:2

Kyabazinga Daudi yaabuuza Ziba ati: “Bino byonabyona oleese byaki?” Ziba yaamwiramu ati: “Endogoyi dha ba mu ndhu yo iwe Isebantu kyabazinga, batambulirengaku. Emigaati n'ebibala ebisookereza okwenga bya baisuka bo kulya. Omwenge ogw'emizabbibu gw'abo abanaazirikanga mu irungu kunhwangaku.”

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Okubala 32:41

Yairi ow'omu kika kya Manasse, yeena yaabaaku n'ebyalo bye yalumba n'abinhaga era yaabyeta “Ebyalo bya Yairi”.

Amateeka Agokubiri 3:14

Yairi ow'omu kika kya Manasse yatwala ekiketezo kyonakyona eky'e Arigobu ekyo nga ni Bashani. Ekiketezo ekyo nga kituukira irala ku nsalosalo ey'Abageshuri n'Abamaaka. Ebyalo ebyo byonabyona yaabituuma eriina lye, era bimanhiibwa ng'ebyalo bya Yairi n'okutuusa mpegaano.

Abalamuzi 10:3

Tola bwe yamala okufa, ghairagho Yairi, eyava e Gileadi. Yaakulembera Isiraeli okumala emyaka amakumi abiri n'ebiri.

Abalamuzi 10:5

Yairi yaafa, baamuziika mu Kamoni.

Abalamuzi 12:14

Yali ni batabane amakumi ana (40), ni baidhukulu be amakumi asatu (30), abaajiiranga ku ndogoyi nsanvu. Abudoni oyo yaakulembera Isiraeli okumala emyaka munaana.

Abalamuzi 5:10

Mukighayeeku imwe abatyama ku ndogoyi edh'erangi, imwe abatyama ku bisampa eby'omughendo einho, n'imwe abatambula mu ngira.