Abalamuzi 1:4 - Baibuli Ekibono kya Katonda 2014

⁴ Kale ab'ekika kya Simeoni n'ab'ekika kya Yuda baajiira ghalala mu lutalo. Musengwa Katonda yaabagha okughangula abasaadha abaghera omutwalo (10,000) e Bezeki, Abakanaani n'Abaperizzi.

Abalamuzi 1:4 ပူးပေါင်းရင်းမြစ်များ

1 Bakyabazinga 22:15

Mikaia bwe yatuuka mu maiso ga kyabazinga Ahabu, kyabazinga oyo yaamubuuza ati: “Nje numbe Ramothi eky'e Gileadi, oba ntakirumba?” Mikaia yaamwiramu ati: “Ja olumbe Ramothi eky'e Gileadi, oidha kukighangula. Musengwa Katonda aidha kukikuta mu ngalo.”

1 Bakyabazinga 22:6

Agho kyabazinga wa Isiraeli yaasoloza abalanzi ng'ebikumi bina, yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

Zabbuli 44:2

Nga bwe wabingagho amaghanga agandi mu bifo byago n'oizaamu abantu bo, nga bwe wadaazadaaza amaghanga ago era n'osobozesa abantu bo okukulankulana.

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Amateeka Agokubiri 7:2

Musengwa Katonda waimwe bw'alita abantu abo mu ngalo dhaimwe ni mu baghangula, muteekwa okubasaaniagho boonaboona. Mutakolanga nabo ndagaano waire ndala eti, era mutabagemerwanga kivunika naire.

Amateeka Agokubiri 9:3

Agho ni mukimanhe muti Musengwa Katonda waimwe n'aidha okubakulemberangamu, ng'ali ng'oti muliro oguzikiriza buli kiri mu ngira yaagwo. Mwene aidha kughangula abantu abo nga mukaali kubatuukaku. Olwo musobole okubabingamu n'okubazikiriza amangu, nga bweyabasuubiza imwe.

Abalamuzi 1:3

Agho ab'ekika kya Yuda baakoba ab'ekika kya Simeoni bati: “Mwidhe muje n'ife mu kiketezo Musengwa Katonda ky'atughaire, tulwanise Abakanaani nga tuli ghalala. Mu nsambo n'endala twena tulija n'imwe mu kiketezo Musengwa Katonda ky'abaghaire.”

Abalamuzi 1:5

E Bezeki eyo baayagaanayo kyabazinga ayetebwa Adonibezeki, baamulwanisa era baaghangula Abakanaani n'Abaperizzi.

Abalamuzi 11:32

Kale, Yefutha yaasomoka omwiga okulwanisa Abammoni, era Musengwa Katonda yaamugha okubaghangula.

Abalamuzi 3:5

Kale Abaisiraeli baabanga mu Bakanaani, ni mu Bahitti, ni mu Bamori, ni mu Baperizzi, ni mu Bahivi, ni mu Bayebusi.

1 Samueli 11:8

Saulo yaababalira e Bezeki. Abaava mu Isiraeli baali emitwalo amakumi asatu (300,000), ate abaava mu Buyudaaya emitwalo esatu (30,000).

1 Samueli 14:10

Aye bwe banaakoba bati, ‘Mwidhe ye tuli’, olwo twidha kuja, kuba ako n'akanaaba akamanhiso akatwoleka nga Musengwa Katonda abagabwire mu ngalo dhaife.”

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”